Page 20 - HOH

Diasabra, 30 Mei 2020 AWEMainta 15

Hopi elogio pa video mapping

show di Elite Productions riba

Dr. Horacio E. Oduber Hospital

RECIENTEMENTE e compania audio-visual
Elite Productions & Entertainment Aruba a sa di

impresiona Aruba cu un bunita show visual riba e

edificio di Dr Horacio E. Oduber Hospital Aruba.

E show visual (video mapping) aki tabata na honor
di tur frontliners cu a traha y lo sigi traha den e lu-

cha contra Covid19.

E show visual a keda comparti den forma bibo atra-

bez di Tele Aruba Canal 13 durante e programa di
television di Elite, esta ‘Live Sessions’.

Algun minuut prome cu e show a cuminsa, Minister

di Salubridad Publico sr. Dangui Oduber tabata pre-
sente den studionan di Elite. Aki el a hiba algun pal-

abra dedica na tur front liners. Despues di esaki a sigi

pa un conteo di 10 pa 0 cual n’e momento ey a show

visual a cuminsa na Hospital. TeleAruba a trans-
miti e imagenan for di Hospital pa studio di Elite.

Locual tabata hopi bunita ta cu diferente front liners

cu tabata trahando n’e momento ey den Hospital y
otronan cu no tabata trahando a para riba parkinglot

di Hospital p’asina mira e show visual riba e edificio.

Animacionan di e director creativo di Elite esta sr.

Egmar Irausquin a ilumina e edificio den un forma
hopi creativo dunando un danki na tur front liners

den diferente idioma.

Ainda esnan cu no a logra di mira esaki por
mira e ‘aftermovie crea pa Edward Silberie’ riba

e facebook page di Elite Productions Aruba.

E programa ‘Live Sessions’ tur siman ta presenta
diferente banda musical y durante e edicion aki e

banda Le Groove a entretene tur televidente. E pro-

grama ta den aire tur diadomingo di 7 or pa 8.30 di

anochi y e siman aki lo toca turno na Datapanik.