Page 21 - MIN TTC 22 OCT 2015

24 AWEMainta Diahuebs, 22 Oktober 2015

Ganadornan rifa di auto di Misa Birgen di Fatima

DIAMARS dia 13 di october ultimo a tuma lugar e rifa di auto di Misa

Birgen di Fatima. Esaki despues di e Santo Sacrificio di Misa na honor
di nan patrona Birgen di Fatima.
E premionan a wordo saca den presencia di Notario Yarzagaray y repre-
sentante di Deloitte, Mirjenne de Cuba. Deloitte tabatin na nan encargo
pa controla tur e ticketnan prome cu nan wordo hinca den e tombola.
A scoge 5 parokiano, sra. Abela Kock, sra. Josephine Antoine, sr. Jo
Dania, sra. Julia Muños y sr. John Booi, pa saca e ticketnan ganador.
E numbernan ganado ta:
1er premio un Chevrolet Spark 2015 a bay pa # 03419 – Erika Werleman;
2do premio 2 ticket ida y buelta pa Manaus cu Insel Air a bay pa #
08414 – ATCO;
3er premio 2 ticket ida y buelta pa Miami cu Insel Air a bay pa # 07580
- Filomena Giel;
4to premio 1 week- end stay cu cena pa 2 na Aruba Marriott Resort a
bay pa # 07536 - M. Ridderstaat;
5to premio 1 week-end stay na Divi Aruba Phoenix Beach Resort a bay
pa # 00353 - Flora Mejia.
Diadomingo dia 18 di october e premionan a wordo entrega n’e gana-
dornan na Misa Birgen di Fatima na Dakota den presencia di Pastoor
Daniel Szpila.
Ainda falta un suma grandi pa recauda p’asina por renoba e misa, p’e
motibo ey e parokia lo organisa mas actividad pa recauda fondo.
E siguiente actividad lo ta un feria multicultural cu lo tuma lugar diado-
mingo dia 8 di november proximo na Misa Birgen di Fatima.
Pastoor Daniel Szpila conhuntamente cu e comision di renobacion di
misa kier a gradici un y tur cu a contribui di un manera of otro cu e rifa.
Cu Dios bendiciona boso ricamente.