Page 51 - MIN TTC 22 OCT 2015
P. 51
Esaki ta trece cun’e cu den un caso mas profundo, Dijkhoff lo worde ordena pa rectifica manera
Oduber a demanda. Hues a sigui bisa den su evaluacion cu e ta haya cu tin suficiente motibo pa
pone un presion di daño per huicio contra Dijkhoff. Esaki pasobra diferente biaha den Corte,
Dijkhoff a expresa di lo no rectifica. Hues a mustra cu door di e expresionnan di Dijkhoff di no
lo rectifica, e lo aumenta e daño per huicio te na e maximo.
DECISION DI HUES
Hues a ordena Dijkhoff pa rectifica na e programa di radio Hit 94 “pueblo ta papia”, “Riba orden
di Hues segun su veredicto di dia 21 di October 2015, ami Francis Edfard Dijkhoff ta declara lo
siguiente. Entre otro riba dianan 24 y 28 di Augustus 2015 y dia 1 di September 2015 mi a acusa
minister Otmar Oduber den e programa di radio aki cu e a laga mata Carlos Cana na Venezuela y
cu e a contrata un sicario pa mata e locutor Poentje Castro y cu e sicario aki lo ta señor Ospina
Span. Mi a bisa cu mi lo tin prueba di esaki.
Tambe mi a expresa cu mi lo tin prueba cu minister Otmar Oduber lo ta envolvi den traficacion
di droga y lo ta usa droga.
Pa medio di e comunicado obligatorio aki mi ta declara cu mi no tin ningun prueba cu minister
Oduber lo ta envolvi den morto di Poentje Castro ni di esun di Carlos Cano. Tampoco mi no tin
ningun prueba cu minister Otmar Oduber lo ta envolvi den narcotrafico y lo ta usa droga. Pesey
pa medio di e comunicado aki mi ta rectifica y revoca e acusacionnan infunda aki cu mi a haci
den direccion di minister Otmar Oduber”.
Ademas di e rectificacion, Hues a impone un daño per huicio di 1 mil Florin pa dia te na un
maximo di 1 miyon Florin, pa cada dia cu Dijkhoff keda sin rectifica. Tambe Hues a ordena
Dijkhoff pa paga e gastonan di e caso na banda di e minister.
http://www.diario.aw/2015/10/hues-a-ordena-dijkhoff-pa-rectifica-tur-acusacionnan-infunda-
contra-minister-otmar-oduber/
