Page 103 - VOS JUNE 15

Carchi di salud pa
studiante
Monday, 15 June 2015 08:52

Comparti

Pa medio di e comunicado aki Servicio di Malesanan Contagioso (Dienst Besmettelijke
Ziekten/Foodhandlers) kier informa tur studiante cu mester e carchi di salud pa por haci nan stage
durante aña escolar 2015/2016, mester presenta un (1) luna prome na DBZ pa haya un cita pa por haci e
peticion pa e carchi di salud.

 Un studiante cu mester e carchi di salud pa mita di augustus, lo mester pasa na Servicio di
Malesanan Contagioso no mas laat cu mita di juni 2015 pa busca un cita/number;

 Durante e cita lo haya e material pa haci test di laboratorio y potret di pulmon (si ta
necesario). Mester entrega e sushi/af pa test na Laboratorio di Salud
Publico(Landslaboratorium) mesora cu haya e material hunto cu e formulario di laboratorio;

 Mester acudi na dr. Horacio Oduber Hospital of IMSAN pa saca e potret di pulmon;
 Despues di 12 dia di trabou cu a entrega e sushi/af na Laboratorio y/of saca e potret

di pulmon, e carchi di salud lo ta cla pa pasa busca.

Ful e proceso di busca un cita/number y haya e carchi di salud ta dura awor aki mas o menos 6 siman.
Servicio di Malesanan Contagioso ta pidi cooperacion y comprension pa cu e situacion aki. Pa nos por
brinda e studiante un servicio na tempo, mester busca un cita/number fin di juni 2015. Di otro manera
Servicio di Malesanan Contagioso NO por garantisa cu e studiante lo tin su carchi di salud na tempo pa
e aña escolar nobo.

http://www.24ora.com/local-mainmenu-5/96317-carchi-di-salud-pa-studiante