Page 12 - AWEMAINTA
P. 12
12 AWEMainta Diamars, 25 Februari 2020
Chito a maltrata homber cu tubo
DIADOMINGO den oranan di marduga algo pasa
di 1’or un buskeda a cuminsa den centro di Oran-
jestad, despues cu polisnan a topa cu e homber di
Fam Quandus na sanger y cu un herida serio na su
cabes.
Tawata algo pasa di 1’or cu patruyanan di Playa
a cuminsa busca rond pa e conocido di nan Chito
Dirks.
Ta asina cu algun rato prome yn patruya a topa cu
e homber di Fam Quandus cu ta un conoci tambe di
nan na sanger.
Quandus cu tin cierto problema cu adiccion a logra
bisa e patruya exactamente kico a pasa y ken a dal’e.
El a yega warda y mesora a pidi pa ambulance.
Na yegada di Paramediconan Quandus tawata para
pabou di e warda di polis y a cana bin cerca e Para-
mediconan.
Nan a puntra cu kico el a wordo gedal y el a bisa cu
un tubo di galvanized. Paramediconan a puntre si e
kier bay Hospital door cu ta un golpi serio ela ricibi.
Ela cana subi ambulance y nan a sali direccion Hos-
pital.
Johan de Wittstraat
Den algun minuut di buskeda patruyanan di Playa
a bin topa cu Chito Dirks den Johan de Wittstraat y
mesora a detene pa maltrato serio.
A pidi Transportwagen y a hibe warda unda elo mes-
ter wordo presenta dilanti un Sub Fiscal, unda cu
mas sigur elo wordo cera pendiente investigacion.
