Page 67 - MIN ON - APRIL 17,2015

E ta un proyecto cu ta worde realisa hunto Carbon War Room, Rocky Mountain Institute, WEB,
ELMAR y TNO.

“E estudio a keda cla y e cantidad di schoolnan na unda por instala panelnan solar no ta mes hopi
cu mi lo desea,” e mandatario a bisa prome cu e expertonan a splica con e proceso tabata pa
dicidi cua ta e schoolnan cu ta bini na remarca.

ELMAR y WEB ta representa den e comision den persona di Elton Lampe. El a trece dilanti cu
na momento cu a cuminsa cu e proyecto aki a pone como meta pa instala un sistema solar PVC
di 100 KW. E motibo ta cu e grandura di un sistema asina ta permiti mas flexibilidad pa
acomoda e energia solar den e grid di ELMAR. A cuminsa pa tuma un inventario di e areanan di
daknan disponibel na school, cu por carga e peso di e panelnan solar. “E ultimo aspecto aki a
elimina un gran cantidad di dak, no debi na e calidad pero e tipo di daknan cu tin instala.”
Despues a haci un evaluacion di e sistema di coriente manera cu e ta awor, pa mira si e por
handle e poder di e coriente cu ta worde manda pa e grid. Tambe a tene na cuenta e plannan di
renobacion of construccion di schoolnan cu tin pendiente. Na mesun momento a haci un
evaluacion di edificionan di Gobierno.

E resultado di e estudio tabata cu di e 80 schoolnan, 21 ta den capacidad pa instalacion di
panelnan solar y tambe 9 edificio di Gobierno ta bon candidato pa hunto produci 3.8 megawatt di
coriente. Si tur school tabata adecuado pa panel solar, e lo tabatin un potencial di 10 megawatt.

http://www.diario.aw/2015/04/ta-bay-instala-panelnan-solar-na-21-school-y-9-edificio-di-gobierno-pa-
un-total-di-3-8-megawatt/