Page 17 - KPA

8 AWEMainta Diabierna, 27 October 2017

Guardacosta di Reino

Hulandes a termina

nan entrenamento

cu Venezuela

AYERA mainta, Guardacosta di Reino Hulandes, pa loke ta area di Caribe
(KWCARIB) a finalisa nan entrenamento oficialmente, “Open Eyes 2017” cu
Guardacosta di Venezuela.
E entrenamento aki a tuma lugar henter siman pasa riba laman entre e islanan
ABC y Venezuela. Den esaki a participa e unidadnan maritimo y di aviacion di
Guardacosta y tambe a participa den esaki, e Centro di Rescate y Coordinacion
na Corsou, p’asina hunto hiba e trainingnan aki.
Meta di “Open Eyes 2017” ta pa estrecha mas ainda e relacion di trabao entre e
organisacionnan di Caribe Hulandes y Venezuela y asina por siña di e procedura
di cada uno di nan.
E entrenamento ak, a ser clausura ayera mainta, unda a dicidi di haci intercambio
di regalo, combina cu un actividad social, cu a tuma lugar na Daaibooi, Corsou.