Page 14 - AWEMAINTA

14 AWEMainta Diabierna, 20 October 2017

Rutanan alternativa pa trafico diadomingo awor den area di hotel

Debi na Challenge Aruba Endurance Festival

E fin di siman aki Aruba ta anfrition
di e di dos “Challenge Aruba Endur-
ance Festival”. Mas di 400 atleta in-
ternacional y local lo participa den e
Challenge Aruba Triathlon cu lo tuma
lugar riba Palm Beach, Eagle Beach y
tambe riba e ruta di Malmok.
P’e organisacion ta importante pa
comunica cu Aruba en general incluy-
endo stakeholders manera hotel, bus
y taxinan riba e cambio di rutanan
cu lo tin diadomingo awor dia 22 di
october.
Pa por percura p’e seguridad di e atle-
tanan, kendenan lo bay landa, core
bicicleta y core na pia algun caminda
lo ta sera for di oranan di diasabra
madruga te cu diadomingo merdia.

Ta trata aki primordialmente di e ca-
minda Juancho Yrausquin Boulevard
dilanti di Hyatt Regency Hotel cu lo
ta sera for di diasabra 11 or di anochi
te cu diadomingo despues di merdia.
Diadomingo pa 6 or y 21 di mainta
e triathlon mes lo cuminsa unda e
atltenan lo cuminsa cu landamento
cual lo ta entre Hyatt Hotel y Hilton
Hotel.
Despues lo continua e parti di core-
mento na pia y coremento cu bicicleta.

E siguiente arenan no lo ta completa-
mente sera, pero si cu menos aceso pa
vehiculo. Aki lo por topa cu atletanan
den accion.
E areanan lo ta Palm Beach y Eagle
Beach pasando entre otro Riu, Amster-
dam Manor, Alhambra, Divi Hotel,
Sasakiweg, Malmokweg, ,Tierra del
Sol, Arashi, Lighthouse y finalmente
na Hyatt Hotel.
Pa loke ta Sasakiweg solamente un
banda (Banda Robes) di caminda lo
ta habri. E otro banda lo ta pa atle-
tanan y servicionan di emergencia.

Aruba completo ta keda invita pa para
riba e ruta of n’e start/finish pa apoya
nos atletanan local y internacional
cu lo participa den e 2017 Challenge
Aruba Triathlon. Un evento cu sigur
tin su efecto positivo den nos econo-
mia y tambe bida activo.
Pa mas informacion www.challenge-
aruba.com