Page 19 - FDLP

Aruba Malmok Runners

 Deporte
- 25/11/2019

Nos coachnan di Aruba Malmok Runners y hunto cu nos directiva y comision di
mayornan ta organisa nos ultimo careda di aña cu lo bay ta grandioso.

Como cu Aruba Malmok Runners ta un club deportivo cu ta dedica hopi tempo na
entrena na nos muchanan y tambe na e adultonan cu ta desea di practica e deporte di
coremento.

P’esey nos coachnan ta dirigi e training abase di trabou voluntario y ta duna tur di nan
tempo pa asina yuda nos atletanan di chikito te na grandi pa bira lo mihor den e deporte
di coremento.

Alavez nos ta pidi pa e conductornan tene cuenta riba e caminda ya cu pa 6:15 di mainta
un grupo grandi di coredonan y canadonan, lo start sali for di e pista di Bushiri Karting
Speedway y ta dal un buelta riba e pista pa despues sali bay pa’for rumbo pa
Schotlandstraat y pa despues bira nan man drechi pa drenta Italiëstraat te na e crusada
banda di Tat-Fat Homecenter pa bira bek pa bini riba e mesun ruta rumbo pa drenta bek
den e pista di Bushiri Karting Speedway y ta termina cu un buelta riba e pista.