Page 28 - FDLP

Aunke e minuutnan ey no por a wordo oficializa como record nobo di mundo, debi na e
circumstancianan special den cual e careda a desaroya, e logro di e atleta di Kenya a
logra haya un enfoque autentico den historia di atletismo.

Dalilah Muhammad a haya e titulo di mihor atleta femenino di 2019, ora cu el a sigui
baha na dos ocasion e record di mundo den e 400 meter hurdles, di cual el a corona su
mes como Campeon Universal den e mundialnan teni na Doha.

DEMAS PREMIO:

E atleta di Ethiopia di 19 aña di edad, Selemon Berega, kende a haya medaya di plata
den e competencia di 5.000 meter den e competencianan mundial na Doha, a logra di

haya e Premio di “Emerging Star” den categoria masculino.

E titulo pa e categoria femenino a bay pa Yaroslava Mahuchikh di 18 aña di Ukraina,
kende a agrega na e titulo di Campeon Europeo bao di 20 high jump, e medaya di silver

cu el a gana den e Mundial na Doha.

E premio di “Clean Game” a bay pa Braima Suncar Dabo procedente di Guinea. El a
haya e premio aki, despues cu el a yuda un oponente cruza e Finish Line, esta e

coredor di Aruba Jonathan Busby, kende a keda full cansa y casi no por a cana.

Nan a otorga e premio di “Fair Play Award”. Segun Jonathan Busby, e experiencia di
dje den e evento di Gala Award Event aki lo keda marca pa semper den su

curazon. Esey el a bisa den un entrevista suministra na e portal 297 Sports.

“Tur loke mi a siña den e incidente aki a bira un les pa mi, unda mi a siña hopi,” Busby
a declara. El a referi na e competencia mundial na Doha, unda temperatura tabata

extremo riba e dia di competencia.

Busby a indica cu el haya hopi contacto cu e atletanan di Kenya, y pa colmo nan a
ofrece yudanza pa e mehora su habilidad di coremento.

El a haya invitacion tambe pa bay Kenya na 2020 pa asina participa den nan sistema di
training. Segun Jonathan Busby, e ta pensando riba esey tambe.