Page 15 - AM230206

Dialuna, 6 Februari 2023 AWEMainta DEPORTE 15

pa supuesto off side loke riba grabacion di e wega, esaki
no tabata e caso.
Na momento cu Hazel a duna e centro Henao tabata on
side, pues e gol mester a keda valido pero el a wordo anula

pa referee Desiree Christiaans riba recomendacion di hues
di liña. E muchanan di RCA a sigui presiona y tabata te na
di 14 minuut cu Britannia a logra yega area penal di RCA
pero sin crea mucho peliger y mas tanto tur peliger di e

ekipo campeon di Piedra Plat, tabata resulta na momento
di tironan di skina.

Riba un tiro di skina asina, a surgi un bruhacion dilanti

gol di RCA cu a bin resulta den e gol di empate anota pa
Michella Werleman pa pone e marcado na 1-1 y cu cual
anotacion e prome tempo a termina.
Den di dos tempo Britannia cu algun cambio a trata di

cambia cara di e partido hungando un tiki mas agresivo
pero esaki a resulta den algun situacion fastioso pa e gol di
RCA pero segun e minuutnan tabata pasando, por a nota
cu e desgaste fisico a resulta na fabor di RCA cu tabatin

un ekipo hopi hoben riba tereno.
RCA a domina e medio campo, no a permiti Britannia
mucho espacio den e zona medio aki, cual a ser domina
pa Joserin Saladin, Amy Henao y tambe Kiana Vrolijk kend-

enan a move hopi den medio campo strobando e wega di
nan rival.
Cu e score empata na 1-1 e wega a bay extra tempo,
caminda claramente por a mira cu Britannia tabata den

desbentaha den e periodo aki ya cu e hoben ekipo di RCA
tabata den miho condicion fisico pero den e periodonan
extra aki di 15 minuut, tampoco gol a cay y mester a bay
over na tiramento di penalty.

Aki tambe RCA a pone tur responsabilidad den su talen-
tonan hoben, caminda Izaline Angela di 18 aña a anota e
prome tiro pero a mira Doorenkamp empata e wega na 2-2.
Amy Henao di 21 aña kende tabata hunga den pasado pa

Britannia y kende a hunga un tremendo wega, ta anota
e di dos tiro pa RCA pa pone e tricolornan ariba 3-2 pero
atrobe Irausquin a empata e anotacion na 3-3.

Niamh Tromp di 13 aña, ta anota e di tres penalty di RCA
pa pone e ekipo ariba 4-3 pero Kim Schoppema ta empata
e wega pa Britannia anotando e 4-4 den penaltynan.
Pa RCA a sigui otro hungado cu a destaca den e wega final

aki den medio campo, esta Joserin Saladin di 24 aña kende
ta anota den forma impresionante pa pone RCA ariba 5-4
y despues practicamente e decision ta cay den e lucha pa
e titulo aki, ora cu Ashley Douglas mira su penalty pasa

banda di tubo bay afo cu a habri caminda pa Ellen de Jong
di 14 aña, anota e gol cu a haci RCA campeon cu e score
di 6-4.
Bou musica di brassband e ekipo di RCA a celebra dilanti di

tribuna cu fanaticonan di RCA y despues a sigui cu e ambi-
ente di fiesta na club RCA na Solito.