Page 7 - AM230206
P. 7
Dialuna, 6 Februari 2023 AWEMainta LOCAL 7
Compania Irani
Lo yuda refinerianan di Paraguana
y El Palito restaura na facilidad
obierno di Venezuela y di Iran a confirma dos acuerdo firma entre e
G dos paisnan, cu ta nifica inversionnan di 110 miyon euro y un di dos
di 460 miyon euro relaciona cu restauracion di dos refineria, uno na e re-
fineria mas chikito di Venezuela, esta El Palito y e refineria di Paraguana.
Esaki a bira conoci den fin di siman caminda a confirma cu e compania
PDVSA y e compania di National Iranian Oil Refining and Distribution, esta
NIORDC, caminda principalmente lo bay percura pa un aumento di produc-
cion di fuel na Paraguana Refining Center y cual proyecto lo termina e
dependencia di Venezuela riba tecnologia pa refineria Mericano segun e
fuendnana señala.
Venezuela tin reservanan di crudo di mas grandi na mundo pero den ultimo
añanan a confronta problema pa produci suficiente gasolin y diesel pa
motibo di problemanan cu e refinerianan den e pais ocasiona pa falta
di mantencion di e facilidadnan, e presion di cantidad di sancion impone
pa gobierno Mericano. For di aña 2020 den henter e pais por mira tur dia
filanan largo di autonan para a sperando pa haya gasolin of diesel, ya cu ta
cierto cantidad so cada auto por tuma y e scarsedad di esaki a hopi serio.
For di luna di Mei di 2022, e compania di Iran a firma un acuerdo cu
PDVSA pa repara y restaura e refineria di El Papito cu ta produci un total
di 14y6 mil bari pa dia cu ta situa den centro di Venezuela,cual proyecto
ya ta den ehecucion. Dentro di proximo dia- of simannan, e dos compani-
anan menciona lo bolbe forma otro acuerdo pa NIORDC f y PDVSA firma un
acuerdo na balor di 460 miyon euro, pa restaura y drecha e facilidad di e
refineria di Paraguana, situacion na costa west di Venezuela.
Diabierna ultimo e minister di asuntonan exterior di Iran, Hossein
Amirabdollahian a yega ciudad di Caracas y a reuni mesora cu e Minister di
Petroleo di Venezuela, esta Tareck El Aissami y lo a reuni diasabra tambe
riba varios tema di cooperacion. Pa realisacion di e proyecto, NIORDC lo
tin cu importa un grupo di 400 persona di nacionalidad Irani, kendenan lo
traha hunto cu entre 1000 te cu 1500 trahadonan Venezolano pero siman
pasa PDVSA a manda un grupo di mil trahado cas pa asina crea vacatura
cu lo bay pa esunnan cu lo tin for di Iran. E acuerdo ta mustra cu gobi-
erno Venezolano lo tin cu percura pa vivienda temporal pa trahadonan for
di Iran y na mes momento tin cu facilita vehiculo pa nan tambe.
CITGO ARUBA
Ora cu ricibi e tipo di informacionnan aki, e ta bolbe pone hopi hende cues-
tiona e decision di gabinete Wever Croes, di kibra e contract cu tabatin cu
CITGO Aruba, ya cu e refineria di Aruba tambe a specialisa na procesa e
crudo pisa cu Venezuela ta produci y den e situacion cu tin e pais bisiña a
haya su mes aden, un refineria totalmente transforma y restaura, tambe lo
por a hunga un rol crucial den henter e dilema cu Venezuela ta pasando
aden. Gobierno a laga CITGO bandona Aruba sin cu e paga un cen preto y
awor a mira cu tin cambionan ta surgiendo di cual e refineria di San Nicolas
tambe por a hunga un rol aden.
