Page 3 - awem nov 4

AWEMainta Diaranson, 04 November 2015 3

Riba peticion di Landelijke
Parket na Hulanda

Husticia na
Aruba a haci
un entrada
hudicial
ayera na
algun oficina

DEN prome oranan di ayera mainta, por a

tuma nota di autoridad hudicial, di e.o. RST
y Ministerio Publico di Aruba, a haci un en-
trada hudicial na dos oficina na Seroe Blanco,
cu ta Wapenaar Co. AA Accountants y
Whitehill Trust & Advisory Services N.V.,
ambos compania tin Fred Wapenaar
como nan director.
Den prome instante, como cu no tabatin
informacion, a kere cu aki tin di haci
cu e investigacion di FIOD y Ministerio
Publico ta haciendo riba algun Chinees,
kendenan ta ser sospecha di labamento
di placa y di ta konkel cu belasting. Y
consecuente lo a kere cu e oficinanan aki
lo ta tene buki pa algun di e Chineesnan
sospechoso.

Buscando informacion na Ministerio
Publico, e vocero a desmenti e ultimo
informe aki.
T’asina cu na Hulanda tin un investiga-
cion ta tumando lugar, guia pa Landeli-
jke Parket, kendenan a solicita yudanza
di Ministerio Publico na Aruba, pa e.o.
confisca computer y documentonan di
ambos oficina, cu lo ser manda Hulanda
pa mas investigacion.

Kico ta ser investiga, vocero di Minis-
terio Publico no por bisa, ya cu e ta un
competencia di Landelijke Parket na
Hulanda, unda vocero aya na Hulanda
lo por duna mas informacion.
Te cu ayera mainta mas o menos 10
or, ora cu e funcionarionan a bandona
ambos oficina na Seroe Blanco, no ta-
batin detencion. No sa si e por t’e caso
den futuro. Tur cos ta depende di e
investigacion y si constata cu tin algo
contra ley cu por a tuma lugar.