Page 11 - FDLP
P. 11
Diasabra, 21 December 2019 AWEMainta 19
Club di Dam Arowak ta sera actividadnan pa 2019
cu entregamento di premio y macutu di Pasco
DIARANSON día 18 di december Club di Dam Arowak a
haci entregamento di premio n’e ganadornan di diferente ac-
tividad di dam durante 2019.
A entrega trofeo n’e torneo Rapid Dam cu a tuma lugar e aña
aki den july 2019.
Ganador di e torneo aki a bira Juan E. Nisbet mihor conocí
como Ricky. Ricky a score 11punto. Na di dos lugar a keda
Mario (Nady) Jansen. Nady a score 10 punto. Y na di tres
lugar a bay pa nos nestor den e wega di dam señor Delbert
Alexander.
Después a sigui cu entregamento di premio na nos Christmas
Rapid cu a tuma lugar den e periode di 23 di october pa 4 di
december.
Promer lugar a bay pa Mario Jansen. Mario a score 22 punto.
Na di dos lugar a keda Rolin Croes. Rolin a score 21 punto. Y
na di tres lugar a keda Octavio Croes. Octavio a score 7 punto.
E prome 3 lugarnan a ricibi un macuto di Pasco.
Banda di esaki, 2 basket a wordo rifa entre e hungadornan cu
no a gana un Christmas Basket. Esaki a wordo gana dor di
Chester Berkel y Ricky Nisbet.
Na final a tuma lugar entregamento di premio di e ganador-
nan di e torneo mas grandi di 2019. Esaki t’e campeonato di
Aruba pa aña 2019.
E torneo aki, a wordo hunga den e periode di 29 januari te/
cu 18 october den 2 tanda. (dus tur hungador a topa otro 2
biaha).
Prome lugar a keda Annelaine Jacobs. Annelaine a score den
e prome tanda 16 punto y den e segundo tanda 17 punto. Un
total di 33 punto. Annelaine a bira di e forma aki, Campeon di
Aruba pa aña 2019.
Ta promer biaha den historia di dam di Aruba, cu un dama a
bira campeón di Aruba den e deporte di dam.
E di dos lugar a bay pa Octavio Croes. Octavio a score den e
prome tanda 15 punto y den e segundo tanda 14 punto. Un
total di 29 punto.
Tercer lugar a bay pa Rolin Croes. Rolin a score den e prome
tanda 17 punto y den e segundo tanda 10 punto. Un total di 27
punto. E torneonan aki, a wordo subsidia dor di SSA y Lotto
pa Deporte.
