Page 32 - FDLP
P. 32
Segun Milly Bagheri-van Tright presidente di e federacion gimnastico Arubano, a conta
cu e competencia mes a caba diamars y a bay hopi bon. A parti hopi premio.
Tabata tin huradonan for di Miami y Tampa, como tambe e dos medayistanan di oro for
di Rusia y Hapon. A competi varios pais, incluyendo Canada, Merca, Republica
Dominicana, Costa Rica, Venezuela, Colombia y naturalmente Aruba.
Avanse ta contento cu e resultadonan. Nan a presenta masha bunita mes y tur hende a
gosa di un bunita competencia.
Nan a tene tambe nan Gala Gimnastico dia 19 di december y tabata un demostracion di
tur loke e muchanan a siña den e lunanan cu a pasa y ta showcase esaki den e gala aki.
E evento a dura cuater dia. Avanse ta hopi satisfecho cu esaki. E no tabata facil. A traha
hopi duro, pero el a logra. Tin cooperacion naturalmente di varios sponsor grandi cu a
yuda.
Ta gradici tur sponsor y tambe na ASU pa e centro, cual ta Centro Deportivo Betico
Croes na Santa Cruz.
Por a organis’e pasobra tabata tin trabao tras di cortina di e coachnan, boluntarionan,
tambe mayornan. Avanse ta gradicido na tur cu a yuda.
Pa loke ta 2020, ta purba di trece e gala gimnastico aki tur aña, mirando cu esaki ta prome
aña cu a organisa un competencia. Ta spera cu por sigui haci e competencia aki cada aña
y asina lag’e crece tur aña pa tin mas pais participa.
https://24ora.com/prome-competencia-di-gimnasia-ritmico-tabata-un-exito/
