Page 22 - HOSPITAAL

Pero ta riba un punto cu ta wardando riba e begroting di pais Aruba y nieuwe begroting di

AZV pa wak ki begroting Imsan ta haya pa wak kico ta disponibel pa por bay inverti den

enfermeria. Tambe tin otro puntonan social riba oranan di trabao y tur eseynan cu tambe

ta wordo discuti habri. Ora ta necesario tin mediador di gobierno cu ta sinta na mesa

hunto cu e partidonan. E ta bay den un atmosfera masha agradabel y tin bon

comprondemento di tur dos banda di e medaya di tur participante.

Presupuesto

Dr. Rajnherc ta sigui splica cu nan ta hopi dependiente di e presupuesto di pais Aruba y
di AZV. E diferencia ta entre 20 y 25% menos di e presupuesto cu nan lo kier cu loke nan

ta haya pa ehecuta tur e departamentonan cu tin na Imsan.

Situacion pa sobrevivencia

Tin cu adapta plannan. Tin biaha cu ta bisa kico ta e prioridad mas grandi di Imsan, pero

mayoria biaha ta kico ta e prioridadnan mas grandi pa salubridad publico na Imsan. Kico

tin cu brinda prome y eseynan ta cosnan cu ta haci hunto cu AZV y hunto cu hospital

tambe hopi biaha.

Plan

E ultimo prespuesto cu Imsan a haya ta rond di 28.5 miyon florin y esey tabata mas of

menos un 10% cu a puntra pe e aña prome cu esey. Ora cu a bin radio therapie, ora cu e

sala di operacion cu a habri eynan, obviamente lo bay tin mester di mas personal. E costo

mas grandi ta personal. No ekipo, ni construccion, ni interes cu ta paga riba esey, pero ta

e personal, e gastonan di personal cu ta e gastonan mas halto cu ta existi.