Page 21 - HOH
P. 21
Diagnostico tabata: Lupus. A combersa cu e mama di e pashent y e comision cu ta
organisando eventonan pa recauda fondo. Ina Kock, mama di Diandra Maduro (21 aña) a
conta nos cu na mei e yiu a cuminsa sinti dolor den tur su jointsnan. El a bay dokter pa
bay haci test. Despues di un di dos test, cu a bay Hulanda, nan a sali positivo pa Lupus. E
ta un malesa cu na Aruba no ta mucho conoci. Dr. Chowdry a splica nan den detaye kico
Lupus ta encera. Su mesun curpa ta bringando cu su organonan.
A resulta cu e tin tur cuater tipo di Lupus, segun e mama. Eynan el a haya su shete
plasma, su quimo. Despues di quimo, el a keda mita curpa paralitico. Ta pa e motibo aki
a tuma pasonan necesario pa por mand’e Hulanda pa haya un otro opinion y unda cu e lo
por haya terapianan necesario pa yud’e recupera pa e cana bek. Esey ta e deseo di su
famia, pa wak Diandra bek riba pia.
Recaudacion di fondo y donacion. Tur loke tin mester ta poco ayudo. Nan a haci
snackbox sale caba cual tabata sumamente exitoso. Segun Lida Figaroa, loke kier haci na
luna di november, ta para na e rotondenan pa recauda fondo pa Diandra y tambe por haci
un donacion na RBC. Mester di boluntarionan tambe pa por yuda recauda fondo.
Diabierna, dia 25 di october ta bay tin un recaudacion di fondo y ta corda tur hende cu a
cumpra via Facebook, coleganan of tur hende, pa yega na Tanki Leendert Service Station
entre 11’or y mey y 1’or y mey, ora cu ta entrega tur box. Tin un suma cu kier yega pa
Diandra por bay Hulanda. No tin e fecha ainda pa e biahe, pero kier yega entre 20 y 30
mil florin pa e por yega na e centro di rehabilitacion na Hulanda, unda nan lo por yuda
Diandra pa e por cana un dia bek.
Diandra ta un hoben y famianan ta desea fervientemente pa por logra yega na e suma
eynan, pa Diandra por cana bek y cuminsa traha bek manera semper e tabata haci.
