Page 16 - bon-dia-aruba-20180721

A16 HENDE
Diasabra 21 Juli 2018

Vacation day camp grupo scout St. Paulus Michael

ORANJESTAD - Recientemente grupo Scout St. Pau-
lus-Michael, conhuntamente cu tur su unidadnan, a
tene nan campamento vacacional. E aña aki den un
forma alegre nos a tene un bustrip y asina pasa bishita y
gosa di diferente puntonan strategico di Aruba.

Nos a bishita Casibari Rock Formation, Natural Bridge, Ka-
pel di Alto Vista pa gradici Dios pa un bon aña escolar tras di
lomba, saborea un dushi almuerzo na O`Niels Kitchen na
San Nicolas y regresa bek na Baranca di Yerba unda e unidad
di Troep y e unidad di Afdeling tabata campando pa asina
gosa un rato alegre cu Zabivaka di Mundial Rusia 2018.

Palabra di danki ta bay na e mayornan, lidernan di Grupo
Scout St. Paulus Michael y Scouting Aruba cu a haci esaki
posibel. Mas cu claro tambe na ATHA pa e aporte financiero.
Pasa un dushi vakantie muchanan y hobennan! Pa mas infor-
macion por sigui nos riba nos pagina di facebook.