Page 16 - AAA

E Prome Mandario di pais Aruba a haya importante pa bini den un conferencia di prensa
for di prome instante pa informa ciudadanonan di desaroyo di e fenomeno natural aki.
“Aunke nos ta spera si cu na momento cu e yega mas cerca di nos isla e lo no tin un
impacto grandi, pero como cu nunca nos no por sa esaki cu siguransa, nos kier duna e

informacion necesario,” e mandatario a cuminsa su conferencia di prensa bisando.ta
trata di un tempo cu lo por yega na tin un of otro efecto riba Aruba entre diamars y
diaranson, y cu dialuna den oranan di mainta tabata na mas o menos 660 km zuid-oost
di Trinidad. E ta un tempo cu Servicio Meteorologico a bin ta siguiendo di cerca pa

algun dia caba. E mandatario a enfatisa cu no ta e idea pa trece inkietud den
comunidad, pero toch kier pa comunidad completo sigui desaroyo di e tempo aki di
tempran.“E ta un tempo cu ora e drenta lamanan di Caribe, e por varia di intensidad
birando mas of menos intenso. E ta keda algo dificil pa calcula.” Y a señala e experencia

recien unda cu e cambio di tempo a tuma comunidad di sorpresa, ora cu esaki sosode
den oranan di madruga. Den e ultimo yobida fuerte tin dañonan cu no por a worde
evita, el a bisa, pero tabatin parti di e daño cu tabata evitabel, si por a anticipa e
situacion cu mas informacion na habitantenan di e areanan cu ta conoci pa

inundacion.Un di e precaucionnan cu por a tuma ta hisa nan materialnan na un nivel
suficiente halto pa minimalisa e daño di awa. “Pero ni cuanto riool nos haci limpi, ta bay
tin cierto momento cu lo tin areanan di inundacion si awa basha den intensidad halto.
Pesey nos kier ta hopi adelanta cu informacion, aunke cu nos ta lanta cierto

inkietudnan. Nos ta prefera di tuma e riesgo di lanta cierto inkietud pa nos ta miho
prepara,” Eman a bisa.Tambe el a splica cu Rampenbureau no ta presente den e
conferencia di prensa pasobra no tin un desaroyo ainda di un tormenta tropical of
horcan cu ta haci cu nan presencia ta necesario.E mandatario a haci un peticion na

comunidad pa keda pendiente di informacion cu instancianan concerni ta bay ta
suministrando, pa di e forma aki tur hende ta debidamente prepara pa cualkier
desaroyo di un tempo cu “por tin efecto riba nos pais. Nos lo sigui e situacion cada ora
pa sa ki accion mester tuma.”

National Hurricane Center ta pronostica cu

Tormenta Tropical Bret lo “disipa” ora e caba

di pasa pabao di Aruba

June 19, 2017
2166