Page 5 - AAA

DOW standby y prepara pa e temporada aki

Tuesday, 20 June 2017 13:01
Comparti

Director di DOW, Marlon Croes tambe tabata presente pa loke ta e conferencia di prensa extraordinario
yama pa Gobierno, pa asina duna e ultimo detayenan y tambe indica con prepara e departamento aki ta
pa loke ta e temporada aki, en particular, pa e sistema di tempo cu ta na caminda.

E ta indica cu DOW tur aña segun plan, ta prepara pa temporada di horcan. Esey ta nifica cu tur rooi y
canal ta wordo haci limpi pa dia 1 di Juni prome cu temporada cuminsa. Desde cu a drenta den e watch
aki, a cambia tur proceso pa dedica pa mira e posibilidad di menasa cu tin. A cambia nan operacion y a
bay di biaha pa controla e rooinan un biaha mas. Tambe nan ta bezig ta controlando tur rooi y a cuminsa
ayera pa wak tur boca pa lama ta habri y tambe e roosternan den caya. DOW ta preparando ekiponan.
Tin cinco post cu nan ta para na dje cual ta Bubali, Parkietenbos, Zeewijk y dos post mas parti paden, pa
si cu nan mester sali, nan tin nan ekiponan pa yega na e luganan mas lihe. Ta haciendo un preparacion
completo pa asina nan por test nan mes si nan ta cla pa tur calamidad cu por presenta. E intencion ta pa
ora cu e tormenta pasa pa DOW ta full operacional 24 ora pa duna e servicionan necesario, segun Marlon
Croes, director di DOW.

Tur departamento ta cla pa cualkier eventualidad cu por bin
cu "Bret"

Tuesday, 20 June 2017 12:53
Comparti

E beleidsteam ta consisti di varios ministerio y departamentonan cu ta bin hunto na momentonan asina.
Durante e ultimo añanan por a saca un les importante cu a presenta cu tempo y esey ta algun di e
efectonan negativo pa nos comunidad wordo evita, na momento cu nos comunidad ta mas informa.

Esey ta trece cierto situacionnan caminda cu tin cu haci evaluacion di cuanto bo ta duna nos comunidad
di precaucion pa prepara pa un situacion cu por ta no ta resulta mesun pisa cu bo por kier pa hendenan
ta prepara si pe, pero tin biaha ta miho prepara, cu menos prepara. Segun Prome Minister Mike Eman,