Page 33 - MIN ON

1

Comparti

Dialuna mainta tabatin e ceremonia unda den forma oficial a cuminsa cu construccion di un rotonde
grandi na Cumana, cu ta forma parti di Watty Vos Boulevard.

Un proyecto cu tin casi 40 aña den planificacion y Minister di Infrastructura Benny Sevinger a pone den
ehecucion hunto cu e expertonan di DOW.

Infrastructura di Aruba a haya un cara nobo desde cu Minister Benny Sevinger a encarga su mes di e
Ministerio aki. Barionan a wordo renoba, careteranan a haya capa nobo y varios caminda nobo di asfalt a
wordo crea. Ademas di esaki, a bini cu proyectonan manera Green Corridor y Watty Vos Blvd cu ta
proyectonan cu tin decadanan den preparacion. Minister Sevinger a tuma e curashi pa pone e
proyectonan aki den ehecucion via di e sistema PPP (Private Public Partnership), pasobra Aruba mester a
wordo modernisa pa por competi den diferente ramo cu otro paisnan. Awo t’asina leu cu a cuminsa traha
riba Watty Vos Blvd, cu antes tabata conoci como Ringweg 3.
E Blvd cu ta cuminsa banda di aeropuerto y ta yega na e hotelnan ta encera en total 10 rotonde, di cual
esun di mas grandi ta na Cumana; su construccion a cuminsa oficialmente dialuna mainta. Ya caba for di
siman pasa, a pone un rotonde artificial pa guia e trafico mientras cu den e parti paden ta traha pa
construi esaki. “Nos por a mira cu e rotonde artificial ya caba ta percura pa un miho fluho di trafico,”
Minister Sevinger a bisa durante e ceremonia di dialuna mainta.

E mandatario a recorda e politico Watty Vos, kende ta esun cu a cuminsa papia di e necesidad di un
ringweg 3 pa mehora e fluho di trafico, pa cual a dedica e Boulevard na su persona. “Sr. Watty Vos no ta
un persona desconoci y a traha riba e proyecto aki pa hopi aña ora e tabata encarga cu infrastructura y
awe nos por ta hopi orguyoso cu un di e careteranan mas principal di nos pais ta wordo dedica na sr.
Watty Vos (q.e.p.d.).”

Sevinger a bisa cu e proyecto aki ta uno cu diferente Gobierno a traha riba dje. “Pero nos a dicidi cu nos
ta bay ehecut’e, cu nos ta finalise, bou guia di nos Prome Minister Mike Eman.” Asina el a conta cu na
momento cu nan team a asumi responsabilidad di gobernacion, Eman a bisa cu mester bay ehecuta 4
proyecto grandi cu ta para pa hopi tempo y cu ta necesario pa Aruba por modernisa su mes: Mudamento
di waf, renobacion y ampliacion dr. Horacio Oduber Hospital, e Vierbaansweg pa San Nicolas conoci
como Green Corridor y Watty Vos Boulevard. “Ta cuatro proyecto grandisimo cu nos por pone check
marks nan dilanti pasobra nan tur nos a ehecuta.”