Page 41 - KPA_Neat

BOKSMENTO A CABA NA DETENCION

July 9, 2017 Admin Uncategorized Leave a comment

Piedra Plat – Diadomingo merdia den careda di 2:30 polis di Santa Cruz ta wordo
manda cu poco urgencia, na un crusada pabou di Bright Bakery. Un simpel
boksmento lo a caba den un problema basta bon.

Unidad di K9 tambe a bay e sitio. Na yegada tawata trata di un boksmento entre
un Hyundai y Pick up, ambos cu no mucho daño. Den un di e autonan tawata tin
un dama na estado y a laga ambulance bin pa controle. Su pareha a wordo
deteni, door di a maltrata e chauffeur di e otro auto.

LADRONNAN TA DRENTA CLUB DI ARUBA
JRS Y HORTA BASTA COS

July 8, 2017 Admin Uncategorized Leave a comment

Emmastraat – Diasabra mainta polis a bay Club di Aruba Juniors, pa un caso di
kiebro y ladronicia.
Na e sitio nan ta topa cu e persona encarga y ta mustranan unda e ladronnan a
drenta.

Nan a kibra candal di e porta di hero pa asina subi ariba e veld, di eynan nan a
sigui pa e basketball veld caminda tambe candal a wordo kibra.
Manera esey a wordo kibra nan a logra drenta e club.

Paden nan ranca e flatscreen tv cu tawata pega na muraya, a bay cu coca
colanan di 20oz y tambe tur cerbes, tambe nan a drenta den oficina pasa man pa
e caha di placa.

Esey no ta tur. Nan a drenta tambe den kamber di e persona cu encarga pa
cuida e luga y bay cu un otro flatscreen tv, dos tablet di mucha, joyas di dama y
un tas cu placa aden.
Probablemente nan a usa un pick up pa carga tur cos.