Page 9 - KPA_Neat

Homber conoci di polis, deteni despues di

boksmento

1 min ago 0 0 Views
Piedra Plat – Diadomingo merdia den careda di 2:30 polis di Santa Cruz ta wordo manda cu poco
urgencia, na un crusada pabou di Bright Bakery. Un simpel boksmento lo a caba den un problema basta
bon.
Unidad di K9 tambe a bay e sitio. Na yegada tawata trata di un boksmento entre un Hyundai y Pick up,
ambos cu no mucho daño. Den un di e autonan tawata tin un dama na estado y a laga ambulance bin pa
controle. Su pareha a wordo deteni, door di a maltrata e chauffeur di e otro auto.
Accidente di auto a laga barionan sin coriente

1 min ago 0 0 Views
Diadomingo mainta trempan un auto marca Toyota modelo Yaris color blanco a ranca un palo di sosten di
kabelnan di voltahe halto di NV Elmar na altura di Tanki Flip. Como consecuencia di e accidente aki, e
sistema di siguridad riba e red di distribucion di coriente a activa y descontinua suministro di coriente den
e area di Tanki Leendert y Matadera. Tecniconan di NV Elmar a responde mesora riba e yamadanan pero
a tuma nota cu no ta posibel suministra coriente bou di e circunstancia asina. Ta premira cu e trabounan
lo tuma mas o menos 4 ora pa por keda cla y pa por garantisa suministro regular atrobe. NV Elmar ta pidi
disculpa pa e inconvenencia aki, cu ta for di nan mannan.
Ambulance y polis a acudi na Nuñe pa un baby cu

a hera hoga den pool

2 mins ago 0 0 Views
Nuñe – Diasabra atardi algo pasa di 6’or na loke tawata parse un fiesta, un baby lo a hera hoga. Mes ora
a bati alarma.
Na prome instante a papia cu un mucha lo a hoga y unidadnan di polis y tambe ambulancenan tawata na
caminda pa e sitio.
Un ambulance a yega haya e adres basta lihe, pero polis y e otro unidadnan no por a haya e adres.
Ambulancenan na e sitio ora cu nan tawata transporta e baby pa pone den e ambulance ela cuminsa
yora, loke ta bon. Pero tawata preocupa toch pa e salud.
Un familiar a bay hunto den ambulance cu e baby direccion di hospitaal. Un rato despues na e adres, por
a wak e mama di e baby a sak den otro pafo na adres caminda e incidente a tuma luga.
E mama tambe a wordo hiba poli, mirando cu ela bira hopi malo.
Ultimo informacion ta papia cu e baby a keda interna y nan lo saca x-ray di lung di e criatura. Pa awor e
ta mustra ok.
Velocidad halto ta causa boskmento entre varios

auto den Prof Lorentzstraat

1 min ago 0 0 Views
Prof Lorentzstraat – Diasabra mainta polis a haya informacion di un accidente cu hende herida, den Prof
Lorentzstraat.
E incidente a tuma luga dilanti un snackbar.
Ta asina cu un dama na stuur di un Toyota Corolla color di oro tawata bayendo cu velocidad halto,
direccion Weststraat.
E prome auto cu e ta pasa raspa bay tawata un Toyota Tercel staciona medio ariba acera. Despues e ta
sigui bay dal un Toyota Yaris color blanco, cu a slow down pa laga un auto pasa.
E auto cu a haya chance pa subi caminda, cu tawata un Yaris color cora tambe a haya, paso e Corolla a
bay contra dje tambe.