Page 9 - Aruba bank Jan 23

Museo Arqueologico Nacional Aruba y Aruba Bank lo
colabora cu otro den e proyecto: Bon Bisiña

Thursday, 22 January 2015 16:25
Comparti

E conseho internacional di Museonan esta ICOM a fiha nan tema pa Dia internacional di Museo e aña aki
como “Museo pa un Sociedad Sostenibel”.
Museo Arqueologico Nacional Aruba a scohe e tema aki pa desaroya e proyecto Bon Bisina, na
ingles Good Neighbours, pa nan programapublico di 2015den cual lo enfatiza e importancia di
salvarguardia nos herencia, beneficionan di colabora cu otro y lo promove creatividad y inovacion.
Cu hopi orguyo a partner cu un Bon Bisina, esta Aruba Bank, cu ta celebrando su 90 aniversario e aña
aki, pa ofrece e comunidad di Aruba actividanan educativo y entretenido.
E inicio di e proyecto aki lo ta dia 25 di Januari, Dia di Betico, cu un asina yama site exhibitden
auditorium di Museo Arqueologico, dedica na e nominacion di e 2 prome sitionan arqueologico como
Monumentonan Nacional Protegi. Riba e Dia di Betico, publico en general por bishita Museo
Arqueologico y combersa cu arkeologonan y nan asistentenan riba con importante y unico e proceso pa
yega na e nombracion aki ta. Aruba lo bira un di e prome paisnan den regio cu ta duna su herencia
Amerindio e status di ta legalmente protegi y pues ta garantiza un desaroyo sostenibel di e herencia aki
pa futuro generacionnan.
Banda di e exposicion aki, publico, en especial muchanan, lo por goza di actividadnan creativo desaroya
pa Museo Arqueologico y sosteni pa Aruba Bank.
Un y tur pues ta invita pa bishita Museo Arqueologico diadomingo awor di 10’or pa 2’or. Entrada ta
gratis, lo tin benta di dushi pasaboca y coi bebe traha di cadushi dor di Taki Micro Green. Pa bishita
Museo Historico, Ateliers’89 y Academy of Fine Arts & Design cu tambe lo ta habri riba e dia aki, publico
por subi e tram, cortesia di Arubus mientras e.o. Monumentenfonds lo duna informacion di
Monumentonan den Oranjestad durante e recorida den Playa. Pa yega Stichting Rancho ta djis pasa door
di e hardin di Museo Arqueologico, despues di a bishita e ‘site exhibit’ Bon Bisiña.