Page 5 - MIN ECEM_Neat

E 22nd Annual Caribbean Port State Control Meeting tabata
exitoso

Friday, 30 June 2017 14:11
Comparti

Siman pasa Directie Scheepvaart Aruba (DSA) hunto cu Ministerio di Turismo, Transporte, Energia y
Medio Ambiente, tabata anfitrión pa e “22nd Caribbean Port State Control Meeting” unda cu 14 Estado
miembro y diferente observador a participa. E sector maritimo ta un sector internacional y como tal hopi
regla ta basa tambe riba ley y regulacionan internacional.A pesar cu Aruba ta chikito, e tin mesun tarea y
responsabilidadnan internacional cu cualkier país grandi. E conferencia aki a wordo dedica
particularmente na Sr. Carlyle De Coteau (qepd), director di Directie Scheepvaart, kende a traha
incansablemente pa por trece e conferencia aki Aruba. E meta di e “Caribbean Memorandum of
Understanding on Port State Control” ta pa base di inspección nan efectivo y continuo riba barconan cu
ta bishita nos wafnan, nos proteha nos awanan y lama Caribense di barconan inferior cu no ta cumpli cu
reglanan internacional. Durante 2 dia largo reunion nan a tuma lugar riba diferente topico nan, caminda
diferente pais a participa eo. Antigua & Barbuda, Bahamas, Cayman Island, Cuba, Curacao,
Jamaica,Trinidad & Tobago, Suriname, Hulanda, US Coast Guard, Paris MOU, pa menciona algun.A
discuti riba diferente tema, legislación, implementación di tratadonan, planning di curso – y training
intensivo pa inspectornan. E delegadonan a participa intensivamente y ta di admira nan esfuerzo
continuo pa haci e sistema di Port State control mas eficiente como tambe e continuo desaroyo di
efectividad pa optimalisa e régimen di port state control den nos awanan Caribense. Riba invitación di
Ministro encarga cu Transport, ing. M. de Meza, e clausura di e 22nd Caribbean Port State Control
Meeting a tuma lugar den e Sunrise City di Aruba, San Nicolas unda cu e participantenan a goza, baila y
disfruta di un anochi agradabel . E Embahador, sr. Dwight Gardiner, cu ta e Presidente di e reunion a
gridici e Minister y Directie Scheepvaart pa e hospitalidad y pa contribui na un reunion exitoso. Directie
Scheepvaart ta expresa tambe su gratitud na RDA, ATA, APA, UTILITIES ARUBA, SETAR, ELMAR,
WEB, mediadienst di BNA y Protocol & Advance Team pa nan contribución pa haci e conferencia aki uno
exitoso.