Page 12 - MIN ARENDS
P. 12
“E grupo aki a falta respet no solamente na resto di e publico presente, sino tambe na e
lider y candidatonan di e partidonan cu a participa, como tambe na e televidentenan na
cas”.
Esaki segun Mohamed, kende a sigui bisa cu e meta di KvK ta pa informa pueblo y duna e
partidonan politico e oportunidad pa presenta nan vision riba e diferente topiconan y riba e
preguntanan cu a wordo hasi.
El a sigui bisa cu KvK ta spera cu e iniciativa cu nan a tuma ta encurasha otro instancianan
tambe pa organiza mas debate den futuro.
“Aki 4 aña nos intencion ta pa organiza un debate hunto cu prensa, den e cuadro aki”.
“Nos a haya un experiencia nobo y nos lo sigui organiza y mehora nos debatenan den futuro
cu esaki”.
Esaki segun presidente di KvK, kende a gradici tur e candidato y lidernan di e diferente
partidonan cu a participa.
Tambe el a gradici Marriott Hotel, prensa, Tele Aruba, Elite y tur e empleadonan di Camara
di Comercio cu a traha asina duro y ‘around the clock’, pa logra aporta na un debate
profesional.
