Page 25 - MIN ARENDS

AWEMainta Diamars, 22 Augustus 2017 25

Expo Labor 2017 tabata DIASABRA ultimo for di oranan tempran di

mainta e comision di Expo Labor 2017 a ricibi varios
bon bishita y exitoso! persona cu ya caba tabata na Renaissance Convention
Center p’asina mira tur posibilidad di trabou y busca
informacion di con nan por progresa riba mercado
laboral.
Minister di Trabao, Angel Bermudez tabata suma-
mente contento y satisfecho cu e resultado y e gran
participacion n’e evento aki.

Durante su discurso na Expo Labor 2017, e manda-
tario a splica detayadamente algun mehoracion cu
mester tuma lugar riba tereno di labor.
“Mi ta haci tur empeño pa haya control di e materia
aki, pero mi tin cu admiti cu e no ta facil”, asina
Minister Bermudez a expresa diasabra mainta.
Segun e mandatario, tin necesidad p’e departamen-
tonan concerni relaciona cu otro mihor p’asina defini
un maneho di labor efectivo.
Ademas, e mandatario a papia tambe riba e aspecto di
digitalisacion pa simplifica henter e proceso laboral.

“Mi ta mira centenares di inscripcion na DPL. E
cifranan aki poco poco ta bahando, pero nos mester
por hiba un maneho mas efectivo y e datonan mester
wordo acopla na otro”, asina Minister Bermudez a
indica.
Na mes momento e mandatario a splica cu el a bin
ta constata cu tin incompatibilidad entre e capacidad
di hende y hobennan desemplea y e exigencianan
di varios vacatura cu tin actualmente riba mercado
laboral.
Specialmente den cierto ofishi, no tin suficiente so-
licitud pa cubri e demanda cu tin actualmente den
nos economia.

E funcionnan aki cu ta paga sueldo minimo, no ta
un incentivo p’e grupo desemplea drenta mercado
laboral. Sinembargo Minister Bermudez ta considera
cu e ta un prioridad p’e generacion hoben participa
den e proceso laboral.
Ademas, cu Departamento di Enseñansa hunto cu
doñonan di trabou por haci un gran aporte n’e prob-
lematica aki.

Minister Angel Bermudez a indica cu despues di Expo
Labor e ta sumamente importante p’e comision realisa
un estudio ‘follow up’ y tambe un encuesta pa por
midi e resultado y efectividad di e evento aki.
Pues den e dianan benidero e trabounan lo continua
pa yega na un mihor analisis di e aporte di Expo Labor
2017 n’e situacion actual di nos mercado laboral y
desempleo.

Expo Labor 2017 ta un actividad organisa pa Minis-
terio di Labor den cooperacion cu Departamento pa
Progreso Laboral (DPL) y Departamento di Labor
y Investigacion (DLI).
Pa mas informacion tocante companianan cu tabata
presente, tayer, charla y haya sa mas di Expo Labor,
bishita e pagina di Facebook: Expo Labor Aruba.