Page 9 - AM210607
P. 9
Dialuna, 7 Juni 2021 AWEMainta 9
Chofer cu a bira malo tras
di stuur y fayece despues
a resulta di ta Tico Croes
TABATA diasabra mainta alrededor di 9:00 am a pidi presencia
di Polis n’e T-kruising di Sero Alejandro na Savaneta, net na al-
tura di Huang Bo Minimarket, cerca di e cas Savaneta # 219-E, pa
un accidente. Aki un auto marca Kia modelo Rio color blau numera
A-36413 biniendo for di pariba a bay dal straight den un cura di
cas.
N’e momento ey, por a nota cu e chofer a purba reduci velocidad,
pero no por a evita di dal den cura di cas. Ora cu Polis a yega, nan
a constata cu e chofer no a reacciona y a conclui cu e mester a bira
malo tras di stuur y a fayece.
Ta trata di un homber di 56 aña di edad, naci na aña 1965, cu a
bira malo tras di stuur y fayece. Famia n’e sitio a identifik’e como
Tico Croes, kende ta biba na entrada di Yaraweg, Savaneta.
Pa 10:00 am dokter Textier a constata morto di Tico Croes. Ta so-
specha cu e victima lo a sufri un atake di curazon masivo. Daño
material ta considerabel.
Polis no ta consider’e un accidente cu morto den trafico, p’esey mes
Ministerio Publico no a tuma e curpa den beslag.
T’e awor tin solamente un solo morto den trafico pa aña 2021. Con-
dolencia ta bay na famianan di Tico Croes di 56 aña.
