Page 60 - KPA

Dialuna mainta a drenta informe di cu un auto lo a dal un peaton dilanti Wayaca Falls, mesora a
dirigi tanto polis como ambulans na e sitio. Na yegada di e patruya a bin encontra cu ambulans
na e sitio cual tabata atendiendo un victima benta abao mientras otro 2 persona tambe herida.
Informacion no oficial na e sitio ta indica cu e auto Nissan Platina blanco a haya flat tire y nan a
para e auto pa bay cambia e tire pero debi cu no tabata tin mucho espacio e auto a keda
parcialmente riba caminda y nan a baha pa bay drecha e tire. Pero como e auto a keda un poco
riba caminda un Nissan March cu tabata bayendo pabao a pasa dal e auto manda e auto dal e
personanan dilanti e auto entre esnan cu tabata para dilanti un dama a haya hopi sla y tabata
inconciente. Ambulans a atende y a transporte cu hopi urgencia pa hospital.