Page 31 - BNDIA ARUBA

A31
LOCAL Diamars 26 November 2019

Minister Chris Romero

vagamente ta desmenti

relato

ORANJESTAD – Den un comunicado di prensa di go-
bierno, Minister di Transporte, Comunicacion y Sector
Primario ta desmenti un reporte, no specifica, cual a
keda publica den prensa cuatro luna pasa, na juli.

E comunicado ta lo siguiente:
“Minister di Transporte, Comunicacion y Sector Primario ta
declara cu ningun personal di su bureau na ningun momento
a wordo manda cas y/ of wordo geschors desde november
2017 te cu awor.
Esaki contrario na loke a sali publica den prensa na juli di e
aña aki.”

Posiblemente esaki ta relaciona cu acusacion contra awo ex-
parlamentario di MEP, Luigi Bergen, kende na juli ultimo a
keda acusa di tin un relacion romantico cu otro trahado den
e ministerio di Romero. Segun e reportenan na juli, Romero
a suspende tanto Bergen como e otro trahado. E articulo aki
ta accesibel riba nos website: https://www.bondia.com/luigi-
bergen-suspendi-pa-relacion-amoroso-na-pia-di-trabou/

Sinembargo, e comunicado cortico aki no ta haci referencia
na ningun relato specifico.

Hobennan di Traimerdia San Nicolas a ricibi certificado

ORANJESTAD – Diabierna merdia, Minister di Finan-
sa, Asuntonan Economico y Cultura, Xiomara Ruiz-
Maduro tabata na Commandeur Pieter Boer School na
San Nicolaas pa haci entrega di certificado na e hoben-
nan cu a participa na Kid$preneur with Big Ideas.

E seccion IDEA di Departamento Economico a percura pa e
hobennan di Tra'imerdia San Nicolaas na Commandeur Pi-
eter Boer School haya diferente curso con pa haci negoshi.
E hobennan a siña planta, traha carchi, pinta cuadra y boter
y traha wrap, pa asina siña con pa traha diferente producto
cu nan por bende despues. Dentro di poco lo tin un Bazaar
na unda e hobennan por bay bende nan producto y demostra
nan talento como comerciante.

Ruiz-Maduro ta gradici tur tanchi y omo di Tra'imerdia San
Nicolaas, IDEA y Commandeur Pieter Boer School pa e
bunita proyecto aki. Ruiz-Maduro a keda masha contento y ta
bisa danki pa e paspoort bunita cu ela haya pa drenta 'klantrijk'
sin problema.