Page 13 - KPA

Homber cu a auto lo a pasa varios biaha ariba dje,

canando na Piedra Plat buscando lift

October 25, 2017

Piedra Plat – Diaranson mainta, den careda di 10’or polis ta bay altura di un adres na Piedra Plat. Na e adres ey un
persona lo tawata buscando ayudo.

Na yegada di patruya, nan ta topa cu un bon conoci di polis, Felix Geerman. E persona aki ta biba pariba di brug.

A bin resulta cu ta trata di e mes un homber cu diamars anochi “nan a pasa auto ariba dje” na Zwarte Mangel.
Na su pols por a wak e ainda cu e banchi di pashent di Dr Horacio E.Oduber Hospitaal.

Manera nos a bisa den e relato anterior, ambulance a sali cu e persona aki cu spoed den oranan di marduga direccion
Hospitaal.

Awor no ta conoci si e mes a sali di hospitaal cana bay of cu net nada a pasa y e por a bay cas.
Na nos parecer, si un auto a pasa varios biaha ariba bo, bo no por ta canando bon asina. Te hasta por a wak e ta core
tras di un auto pa e haña lift, pero esaki no a para.

Segun polis, e tawata pidi lift pa e bay pariba, esta San Nicolas.