Page 80 - KPA
P. 80
conhuntamente cu Ministerio Publico a haci
diferente detencionnan. Asina vocero suplente
di polis Liliana Rasmijn a confirma pa
NoticiaCla. Ta trata di un investigacion
andando di un caso di arma di candela. A haci
entrada hudicial na 3 diferente cas. E adresnan
ta Noord Cura Cabai, Rooi Koochi y
Washington. A detene 3 hende homber y 1
hende muher di cual 2 ta Arubiano, 1
Jamaiquino y 1 Venezolano. Durante di e
entrada hudicial a confisca 2 arma di candela
y a bin descubri diferente plantacion di
marihuana. E departamentonan cu a forma
parti den e entradanan hudicial ta AT, K-9,
BFTO, departamento di droga y personal di
recherche Sta Cruz.
Cuerpo Policial ta sumamente satisfecho cu e
resultado. No ta descarta cu lo por tin mas
detencion relaciona cu e caso aki. Ta pidi
pueblo pa keda duna informacion na tiplijn
11141. Bo anonimidad ta garantisa.
