Page 7 - MIN ARENDS
P. 7
Local
COMPANIANAN MESTER
TRAHA UNI PA MAS
CAPACIDAD NA ARUBA
ORANJESTAD, Aruba
ACE Engineering diariamente ta duna conseho tecnico na companianan y specialmente nan ta evalua
riba e tereno tecnico di e proyectonan. Consulting Engineer di ACE Engineering, Reigène Geerman a
splica cu nan ta sostene cliente y companianan riba diferente area, manera utilidad, di medio
ambiente, renewable energy, electrical engineering y mechanical engineering. Pa e motibo aki ACE
Engineering tambe lo participa den e Small Business Event, unda cu Reigène Geerman lo ta un
orador.
Pa un compania chikito y specialmente riba un isla manera Aruba, ta importante pa negoshinan
chikito traha como un team y colabora hunto. “Kiermen traha hunto den proyectonan. Asina nos por
ehecuta y traha proyectonan hunto como un team aki na Aruba”, Reigène Geerman a indica. Tur
hende por yuda y colabora cu otro pa uni forsa. Esaki ta pone cu aki na Aruba por haya mas
capacidad hunto y pensa hunto. ACE Engineering ta traha asina aki unda cu nan ta traha cu otro tipo
di companianan. Nan ta mira unda e puntonan debil ta y ta traha riba dje pa asina yega na un bon
producto final.
Participantenan lo haya ricibi diferente informacion diasabra awo durante e Small Business Event
unda cu algun compania lo bin cu puntonan importante pa yuda companianan chikito y mediano. E
Small Business Event lo tuma luga den Renaissance Convention Center y lo cuminsa desde 9:30 di
