Page 44 - DIARIO
P. 44
PAGINA 44 DIARIO DIARANZON 14 OCTOBER 2015
Grupo Nucleo Senioren a sigui cu
su actividad cu un Seso Sport pa
Grupo Uni di Noord
ORANJESTAD (AAN):---
Relaciona cu e celebracion
di Dia Internacional di Nos
Grandinan e Grupo Nucleo
Senioren conhuntamente cu
Grupo Uni di Noord a organiza
na Chinese Club un tremendo
Seso Sport. E Grupo Nucleo
Senioren ta wordo forma pa 22
gruponan social cu ta traha pa
nos grandinan. Grupo Nucleo
Senioren tin un trayectoria di
actividadnan organiza for di
2013. E Grupo a sinta hunto y a
planea diferente actividadnan en
coneccion cu dia 1 di October ta
Dia Internacional di Derechonan
di Hende Grandi.
A opta pa haci e celebracion di
dia di hende grandi den 2 luna
cu diferente actividad. Durante
e seso sport teni na Chinese
Club tabatin participacion di
un total di 17 grupo di diferente
clubnan di bario, na unda tur
hende a goza y a pasa un rato
hopi creativo hunto.
