Page 11 - KPA

Chevrolet haya na South Beach cu arma y droga,

tres homber a wordo deteni

1 min ago 0 0 Views
South Beach – Diaranson anochi pa mas o menos 11:50 polisnan ariba ATV, den area di hot zone ta para
un auto ariba e parkeer plaats.
Esaki tawata patras di Rembrandt.
Mes ora ta pidi pa mas polis y tambe transportwagen. Den un Chevrolet Sonic shinishi nan haya tres
hoben y den e auto droga y arma.
Segun polisnan a sigui chek den e auto, nan a haya pañanan aparentemente pa cambia, pues indicando
cu e trio aki tawata tin plannan serio pa marduga.
Ta pensando den direccion di atraco arma y tambe kiebro cu ladronicia.
Takelwagen a presenta tambe pa hiba e auto, mientras e tres hombernan a wordo hiba warda.

Homber desorienta haya den area di Esmeralda

1 min ago 0 0 Views
Esmeralda – Diaranson anochi polisnan a bay area di Esmeralda caminda cu lo a wak ladronnan.
Segun informacion, e ladronnan aki tawata kier a horta galiña di hende.
Pero nan no a haye e ladronnan aki. Loke si nan a bin topa cune ta un homber di edad, bastante
confundi.
Mas polis papia cune nan ta nota cu e homber lo por a usa algo, cu e ta actuando di e manera ey.
Agentenan a pidi transportwagen pa asina hibe warda, pa su mes un seguridad. Segun nos a
compronde e homber aki ta biba te na Maria Maai, pues caminda nan a topa cune ta basta leu di
su cas.
Dama cu ta sufri di enfermedad mental, deteni na

West Punt

2 mins ago 0 0 Views