Page 10 - MIN VOS_Neat

Champ of the Champs HEINEKEN 2017 dedica na baluarte
Bibiano Croes

Friday, 30 June 2017 10:40
Comparti

E magestuoso torneo Champ of the Champs patronisa pa HEINEKEN cu premionan obsekia pa Banco di
Caribe a inicia dialuna ultimo riba veld di Dragon Hitters na Barcadera. Champ of the Champs den su di
11 edicion ta wordo dedica e aña aki na baluarte Bibiano Croes.

Bibiano a inicia su carera di softball na un edad hoben na aña 1972 cu ACI Braves porcierto hungando
slingshot e tempo aya. Bibiano tabata outfielder y mastanto tabata hunga centerfielder. Despues Jo Thiel
(q.e.p.d) a lanta equipo di Los Leones. Bibiano a melita den e equipo aki cual mas después a bira
Chuchubi maneha e tempo aya pa Mario Willems. Bibiano Croes a continua su carera como Manager
Player den Chuchubi cual después a bira Honda. Den añanan 80 Honda ta cambia y ta bira Aruba Video
Center unda Bibiano keto bay tabata fungi como manager player. Na aña 1991 Aruba Video center a bira
Pueblo Supermarket y Bibiano a keda Manager y después Coach di Pueblo.

Cu e equipo aki Bibiano a biaha tanto pa Canada, Corsow y Hulanda. Después Pueblo a bira First
National Bank cual equipo tambe tabata exitoso bou di maneho di Bibiano Croes. Bibiano tabata tin e
honor como Manager player tanto di tempo di Chuchubi a titula campeón y promove pa AA y después cu
Aruba Video Center, Pueblo y First national Bank a conquista titulo nan di campeón di Aruba den e nivel
mas halto di softball esta AA. SV Royal Power auspicia pa Aruba Softball Bond merecidamente ta dedica
e torneo Champ of the Champs 2017 na honor di Bibiano Croes kende a dedica alrededor 30 aña di su
bida na e deporte di softball. Danki Bibiano pa bo aporte na nos deporte.