Page 18 - MIN VOS_Neat

E wega entre S.V. RCA y S.V. Britannia tabata un tremendo wega y Minister di Salud Publico, Cuido di
Nos Grandinan y Deporte, Dr. Carlos “Alex” Schwengle tabata presente na e wega pa mira kende lo a bira
campeon. Den e prome tempo di wega ambos team tabata casi pareu, pero asina mes e team di S.V.
Britannia a logra anota e unico gol di wega.

Britannia a sali campeon merecidamente y Minister Dr. Schwengle a yama RCA pabien pa su logro,
pasobra nan a bringa hopi bon pa purba gana. E fanaticada tabata grandi y nan a keda te na final unda cu
nan a duna honor na e hungadonan. Esey ta loke e hungadonan merece, unda cu e publico ta duna respet
y honor na e hungadonan y na esunnan cu merece di a haya un premio. E mandatario a expresa
palabranan di aprecio y a yama SV Britannia pabien cu nan trofeo. “Esaki no ta prome ni di dos, sino di
tres titulo di campeon consecutivo. Esaki ta separa cu a caba di gana na St. Maarten caba siman pasa,
pues e ekipo aki ta dominando no solamente na Aruba sino tambe den nos region.

Na final, despues di a caba di otorga trofeo y medaya na e futbolistanan femenino, Minister Dr. Alex
Schwengle a saca un envelop cu entrada pa concierto di Juan Luis Guera, cu el a entrega na cada un di e
hungadonan aki. Masha pabien!

S.V. Britannia campeon den futbol femenino 2016-2017

Friday, 30 June 2017 09:45
Comparti

E campeonato femenino 2016-2017 di Arubaanse Voetbal Bond a yega su final. E team di S.V. Britannia a
bay cu e victoria di 1-0 contra di RCA durante e di 2 wega cu tabata uno decisivo. S.V. RCA Dames mester
a gana pa asina pusha un wega mas, pero S.V. Britannia a demostra pakico nan ta un di esunnan miho