Page 53 - MIN VOS_Neat

14 AWEMainta Diabierna, 30 Juni 2017

Clayton Croes y

Arondino Croes,

candidatonan nobo

cu ta impresiona

cu vision di lider di

AVP pa pueblo

LIDER di Partido di Pueblo Arubano, Mike Eman,
diamars anochi tabata na Santa Cruz reuniendo
cu ciudadanonan di Jan Flemming na cas di famia
Wever. Sr. Mike Eman a wordo acompaña pa sr.
Clayton Croes, kende recientemente a postula su
mes como candidato di e partido berde y tambe un
otro candidato cu tin lazonan fuerte cu Santa Cruz:
Sr. Arondino Croes.
E ultimo aki, diadomingo awor, oficialmente ta wordo
presenta como candidato nobo riba e lista di AVP.

Hibando palabra durante e encuentro, Clayton Croes
a expresa cu campañando tanto den Paradera como
den becindario di Santa Cruz e ta sinti cu su partido
ta hayando bon acogida den pueblo.
Partido, el a bisa, ta buscando candidatonan hoben
pa sigui cu e bon trabou “y nos t’ey pa yuda busca
e apoyo p’e bon trabou por sigui. Riba lista di AVP
nos tin persona cu experencia den tur ramo y e sanger
nobo ta pa trece un perspectiva nobo.”

Arondino Croes di su banda a bisa cu lider di partido
Mike Eman a duna un splicacion importante di kico a
wordo haci caba y cua t’e caminda cu kier sigui traha
riba dje den e proximo 4 añanan.
“Esey ta ora bo tin un lider cu vision, un vision cu ta
transcende eleccionnan bay. E eleccion aki ta djis un
parti di e historia cu nos ta bay pasa aden.
Canando den pueblo mi por bisa cu dia 22 di septem-
ber awor partido AVP lo tin un victoria aplastante
atrobe.”

Arondino Croes a sigui splica p’esey ta importante
ora cu ta reuni den un bario manera Jan Flemming,
ta mira liderazgo di boluntarionan den e esnan cu a
acepta e invitacion p’e reunion. “Bo ta mira den nan
wowo e alegria pa realisacion di e proyectonan pri-
minti. Ta importante pa duna nos lider e confiansa
cu un biaha mas el a pidi, p’e bida di 5 strea yega na
cada cas.

E mision cu e lider a pone ta uno noble, humilde, y
di curason, cu e kier pa den cada hogar tin e felicidad
desea. E ta pone nos desea pa yud’e carga e vision y
mision di lider di AVP.
Sigui papia cu boso bisiña, boso amigo y coleganan di
e proyectonan aki y di e vision cu nos tin y e apoyo
necesario pa continua.”