Page 17 - ATA OCT 13 2015

apelacion na tur hende cu e mercado aki, con dificil cu e situacion por ta, e mercado aki ta hopi
importante pa Aruba. Entradanan y locual cu ta conta riba dje durante di añanan ta keda hopi
importante. Ban tene esaki na mente y claro ta purba di maneha tur impacto negativo
debidamente tambe, segun Tjie Asjoe-Croes.
A puntra e ehecutivo kico e cifra di Venezolanonan ta mustra cu nan ta esun cu ta gasta mas
placa te ainda na Aruba ora na bishita Aruba.
Tin un punto di midicion importante pakico cada bishitante ta gasta averahe durante di nan
bishita pa dia. Esaki sa cu durante aña, Venezuela de facto tabata e mercado of ta e mercado cu
ta duna e bishitante cu ta gasta mas pa dia riba nos isla.
Esaki ta algo CBS cu pa añanan a bin ta midi. Pa un para di aña entre tanto ATA tambe ta
haciendo e encuesta cu a basicamente similar na esun di CBS. Ta midi esaki tambe pa tur
mercado. A haci cierto ahustacionnan. A añadi cierto pregunta y ta mand’e manera cu un
bishitante yega nos isla y despues di su vacacion e ta haya un e-mail for di Aruba, gradiciendo pa
su bishita y e ta haya e encuesta cu e por completa. Asina ta purba di midi pa diferente mercado,
con e ta move den sentido cuanto e bishitante ta gasta, ta un punto di midicion cu sigur hopi
importante y ta mira cu en berdad e patronchi di con e bishitante ta gasta na kico y cua ta e
mercadonan cu ta score mas halto.
E grupo di avion priva ta un grupo importante y ta creciendo. Por tuma nota cu varios biaha cu
papia di esaki, e mercado di Venezuela ta e mercado cu ta haci mas uzo di e servicio di prívate
jets. Sigur den temporadanan piek por mira cu e mercado aki sigur ta haci hopi uzo di e facilidad
eynan, segun Tjie Asjoe-Croes.

http://masnoticia.com/80-di-turismo-venezolano-no-ta-keda-den-hotel-pero-ata-tine-na-bista/