Page 32 - ARUBA BANK

Rocco Tjon: Reunionnan na Hulanda den

cuadro di situacion financiero delicado

13 HORA PASA , 4 DI APRIL 2018 10:22
SECCION: POLITICA

Recien e lider di fraccion di MEP, sr. R.Tjon, MBA y presidente di parlamento sr. mr. J.Thijsen a
efectua un viahe pa Hulanda. Motibo di e viahe aki tawata pa reuni cu parlamentarionan

Hulandes, CFT y demas politiconan Hulandes riba e situacion financiero delicado di pais Aruba.
A reuni entre otro cu presidente di 1e Kamer di Hulanda, sra. Ankie Broekers-Knol, miembro di
CAFT sra. Sybilla Dekker, vice-presidente di Raad van State, sr. prof. dr. J.P.H. Donner,
presidente di e comision di asuntonan di Reino sr. prof. dr. R. Ganzevoort y sr. A. Pechtold.

NOTA
Den nomber di fraccion di MEP, sr. Tjon y sr Thijsen a entrega un nota den cual ta splica e
politiconan Hulandes e motibonan cu a conduci cu pais Aruba actualmente ta den un situacion
financiero desastroso. Na un banda kier a informa e politiconan Hulandes oficialmente atraves
di e nota aki e motibonan y di otro banda kier a splica e manera responsabel pa sanea e

situacion financiero actual teniendo na cuenta cu e situacion social, economico y financiero. E
nota aki ta publica riba e pagina www.roccotjon.com.