Page 10 - KPA
P. 10
Post Views: 6
ORANJESTAD, Aruba
Diadomingo, pa mas of menos 9’or y 55 di anochi, Central ta manda patruya na e deposito dilanti di
e edificio di Atco na Sabana Blanco pa candela. Na yegada di polis, ya brandweer y e patruya di
Flexteam tabata eynan. Parce cu tabata e deposito di Casi Nobo cu tabata na candela parti pazuid.
Dicho deposito ta wordo gehuurd entre tres otro compania. “Cas di Max”, “Ansot” y un compania di
construccion. Polis a cera Guyabastraat y a duna brandweer sosten cu e trabao. Dicho deposito a
kima por completo. Central a wordo poni na altura.
ORANJESTAD, Aruba
Diasabra, pa mas of menos 12’or y 45 di marduga, durante cu patruya di polis ta pasa banda di
hotelnan na Eagle ta mira dos persona drumi dilanti Gelatisimo. Ta baha bai serca nan y ta tuma nota
cu e pareha ta burachi. E dama ES no a reacciona mes ora cu polis a atende cu ne. Su pareha, cu
tabata hunto cun’e, tampoco no por a para riba su pianan. Sinembargo e tabata trankilo. Polis a hiba e
pareha Divi Village den transportwagen. Eynan e homber CJM a cuminsa grita polis y a insultanan.
Polis a bis’e pa e bay trankilamente su camber, pero ta cuminsa grita polis atrobe y cuminsa pusha
polis. Na un manera tactico a mande e homber vloer. Den buracheria e homber CJM a keda resisti
fuerte contra polis y detencion ta cai. E homber a keda atendi riba su comportacion y pa 1’or y 10, e
pareha a ser hiba warda. Polis ta pone Central na altura.
Suceso
NOTICIA DI POLIS: BISIÑA TA
PLEITA PA MOTIBO DI
CACHO
Diadomingo, pa mas of menos 10’or y mey di anochi, Central ta mand patruya na Weg Sero Preto
San Nicolas, pa un problema entre bisiña. Eynan a papia cu e dama K., kende a declara na polis cu e
homber RD a menasa su nieto di tira su cacho mata. RD ta sospecha cu e cacho di K ta drumi den su
