Page 100 - KPA

Minister Arthur Dowers: Un ladron mes cu bin den bachi di
turista e colega no tabata worry cu esey

Tuesday, 13 June 2017 19:48
Comparti

Otro tema cu ta hopi importante tambe liga na frena criminalidad ta e hecho di ESTA. Por a
tende Otmar Oduber cu tabata den AVP

, esun cu a bringa tur esfuerso cu AVP a haci den ministerraad cu a frena e binimento di Venezolano. E meneer aki
tabata bring’e pa bin cu e ESTA. El a admiti hasta ora cu a puntre riba e problema, cual el a bisa di nos mercado
turistico Venezolano e no kier perhudike. E Gobierno tambe a pensa riba esey, pero a pensa cu mester tuma e
pasonan necesario pa garantisa e siguridad di nos pais, di nos hendenan y di e mercado turistico di e pais Aruba.
Pasobra ora cu trece hende cu no ta desea riba e pais, na por haci daño y perhudica henter e mercado. Su bista
tabata pa mira semper cu mester e number di turista 1 miyon, e aña mester pone 1 acerca pa e bisa “I’m the
man”. Nunca el a worry con e persona yega, basta cu e registra cu el a yega. Un ladron mes a bin den bachi di
turista y e no ta worry cu esey. AVP ta bisa cu kier pa tur hende bin, pero nan mester por gosa di e trankilidad y
siguridad, e libertad cu ta custuma cun’e. Pesey no kier hende indesea. A tuma varios paso, entre otro cu
binimento cu reglanan mucho mas estricto, pa loke ta garantie verklaring. A haci controlnan mas pisa pa loke ta
cantidad di placa cu mester tin. A duna bon resultado, pero ta mira cada biaha di nobo cu e gruponan aki ta na
banda. Nan ta busca un sistema rond di e reglanan cu a wordo crea. Ta un proceso continuo di evalua, analisa y
tuma pasonan nobo. Ningun hende no por bisa cu nan tin e solucion cu ta un simpel y cla pa husticia. Ora cu
hende bisa cu nan tin solucion pa criminalidad, tin cu hari nan. Esaki ta un proceso continuo di traha, evalua,
monitorea y tuma e pasonan necesario.
E minister a tende palabranan caro cu nan ta uza cu awor nan kier bin cu IPKO, tur sorto di
tecnologia den Cuerpo Policial, den e programa di diferente partido. Minister Dowes ta invita
pa nan bin puntra kico Gobierno tin prome kico nan a bin cun’e, pa nan por compronde con
desaroya e cuerpo policial ta, pa nan no papia coy loco.