Page 14 - bon-dia-aruba-20220712

A14 deporte
Diamars 12 Juli 2022

297 Baseball Academy ta logra pa 6 pelotero firma nan “letter of intent”

Diadomingo ultimo 297 Baseball Academy a tene un ceremonia den
e ballroom di Paseo Herencia unda oficialmente ta logra firma pa 6
pelotero haya nan “collegiate / high school letter of intent. Compara
cu 2021 unda 2 pelotero a logra firma, e aña aki un total di 6 pelotero
a logra firma esaki.

E peloteronan cu a logra firma ta lo siguiente:
• Brandon Vero Hoftijzer:
Brandon tin 17 aña y a caba di termina su estudio na Colegio Arubano Havo y
awo ta cla pa biaha pa New York. Brandon lo ta atendiendo Cayuga Commu-
nity College na Auburn, New York. Cayuga ta cai bou e division di NJCAA y
e ta un comunity college di 2 aña.
• Dyrenson Wouters:
Dyrenson a termina su Havo aña pasa y awo si ta cla pa biaha pa New Hamp-
shire unda e lo ta atendiendo Southern New Hampshire University na Pen-
way-Manchester, New Hampshire. E college ta cai bou division NCAA divi-
sion II y ta pa 4 aña.
• Keith Hooker:
Keith kende ta hungando e posicion di Catcher lo ta bayendo Central Maine
Community College na Auburn, Maine. E college aki ta cay bou di NJCAA-
National Junior College Athletic Association.
• Djouhadson St. Germain:
Djouhadson kende tin 19 aña y ya tin 2 aña cu ta atendiendo 297 Baseball
Academy tambe lo ta atendiendo Central Maine Community College na Au-
burn, Maine. Esaki ta e unico College unda tin 2 pelotero ta bayendo hunto.
• Shammy-Thayne Maximiliana:
Shammy di 17 aña kende ta di Corsou lo ta atendiendo e University of Lynch-
burg na Virginia. E university ta cai bou di NCAA división III. Shammy a
logra hunga den e liga di “Summer Prospect” y asina a logra yega na e 297
Baseball Academy.
• Jayden Pietersz:
Jayden cu únicamente 16 aña lo ta atendiendo Winchendon Academy na Mas-
sachusetts. Esaki ta un High School priva cu ta prepara e studiante pa drenta
College. Jayden tin mas of menos 1 aña y mey cu e academy y ta hungando
segunda base.

Tur pelotero a hunga den e liga di “ Summer Prospect” na stadion di Nadi
Croes/Crismo Angela. E liga di “Summer Prospect” ta pa peloteronan cu ta
interesa di sigui hunga baseball riba un nivel di collegue. E summer prospect
League 2022 lo ta durante e periodo di juli 6 pa juli 29 e aña aki. 297 Baseball
Academy kende ta wordo maneha pa Brodie Carey ta kere cu cada pelotero
hoben tin derecho di wordo guia y promovi pa asina nan por haya oportunidad
di hunga riba un nivel mas halto. Nan mision ta pa yuda tur e atletanan aki
logra nan meta, door di duna nan hopi guia y laga nan haya experiencia pa sigui
crece. Na e momento aki nan ta dunando guia na un average di 35 pelotero lo-
cal y internacional. Di parti di Bon Dia Aruba nos ta desea tur 6 pelotero hopi
exito cu nan reto nobo.