Page 2 - AM220212

2|Diasabra, 12 di Februari 2022

Project Team Drugspanden cu entrada

hudicial na un cas na Watapanastraat

Project Team Drugspanden ta un
team cu a wordo lanta pa entre otro
investiga bendemento di droga for di
un percela y riba caya.

En conexion cu un investigacion an-
dando Project Team Drugspanden a
haci un entrada hudicial den un cas na
Watapanastraat y a detene e homber
di inicialnan A.J.M. naci na Aruba , di
28 aña pa bendemento di droga.

Tambe a detene 1 cumprador cu a
declara contra e sospechoso aki’riba
menciona. Y e.o. a confisca un auto.
Tur esaki a sosode dilanti di un super-
mercado na Angochi. Mas sigur ta trata
di e Proyecto Drugspanden bestrijding,
constantemente autoridad ta drenta
casnan cu ta conoci pa bendemento di
droga.

Awendia e modus operandi a moder-
nisa, e supplier tin su hendenan cu ta
rebende y te hasta ta deliver droga, ca-
minda e cumprado ta.

Aparentemente autoridad lo tin e mo-
dus operandi aki na bista y manera cu
e cumprado y bendedo a cera nan deal
y lo tin un team special cu mesora lo
actua y asina detene e cumprado y e
bendedor.

Na momento di nan detencion a bin
haya e bendedo cu marihuana y XTC
den su poder. E cumprador tabata tin
piedra den su poder.

Ambos a keda deteni y cu transportwa-
gen di CEA, nan a wordo hiba Warda
di Polis, e autonan di e cumprado y
bendedo a keda confisca pa mas inves-
tigacion. Durante razzia a confisca un
cantidad di droga (marihuana, XTC y
cocaina). A haci uzo tambe di diferente
departamento di Cuerpo Policial entre
otro Team di Aresto y K9 unit.

Pa Cuerpo Policial por resolve mas caso
cooperacion y informacion di pueblo di
Aruba ta hopi importante, pesey nos ta
pidi si bo tin cualkier informacion yama
nos tiplijn di Polis cu ta: 11141. Nos ta
garantisa cu bo ta keda anonimo.