Page 35 - HOSPITAAL
P. 35
Profesor di Hulanda lo toca e tema diabierna y
diasabra awo Dokternan lo haya curso riba loke
ta “gezondheidsrecht”
February 14, 2018
ORANJESTAD, Aruba – Pa basta tempo hospital kier a bin cu e curso di “gezondheidsrecht” pa dokternan.
Hospital a scoge e tema aki, pasobra tin e necesidad aki desde hopi tempo caba. E ta un experticio riba su mes,
unda cu e dokter ta haya hopi di haber cu asuntonan legal cerca un pashent. Na mes momento tambe e hurista
cu tin cu salvaguardia interes di cada un di nan, pues tanto di e pashent como di e specialista.
Diabierna y diasabra awo e curso aki lo tuma luga dirigi pa dos profesor di Hulanda cu hopi experticio riba e
parti di derechonan den e parti di cuido medico.
Un dokter, sea e ta realisa of no, tin masha hopi di haber cu asunto legal cu ta acopla den cuido di e pashent.
“Pa nos esey tabata e motibo pa organisa e charla. E lo ta e prome cu lo tuma luga akinan na Aruba”, asina sr.
Ezzard Cilié a duna di conoce. A base di esaki nan lo mira si mester bay mas aleu cu esaki of no. Pero e biaha
aki Hospital a scoge estrictamente pa tene e curso aki p’e dokternan cu tin di haber cu e afinidad di derecho y
legal den un relacion entre dokter y pashent.
