Page 38 - AM250129

38 BONEIRO AWEMainta Diaranson, 29 Januari 2025

Hefe di Polis Braaf

Boneiro ta enfrenta reto critico

den siguridad den trafico

HEFE di polis di Boneiro, Alwyn Braaf, a destaca e urgencia

di resolve diferente problema di trafico cu ta afecta e teri-
torio. Entre e principal preocupacionnan tin e desordo exce-
sivo di brommer, persona biahando patras den pickup y
menor coriendo auto. Braaf tabata enfatico den señala cu

no lo aplica u enfoke permisivo contra e situacionnan aki,
subrayando e importancia di un accion inmediato.

E desordo genera pa brommer ta un keho recurente, special-

mente den e areanan residencial, unda e habitantenan ta
reporta molester constante y maniobra peligroso. “Nos ta
haci un yamada n’e motociclistanan pa nan respeta nan
conciudadanonan, pa tur e adultonan mayor cu ta sufri cu

desordo,” Braaf a afirma. Aunke a crea un espacio sigur na
Onima pa practica cu brommer, hopi ta prefera caminda
publico, generando problema, specialmente diadomingo.
Polis ta enfrenta dificultad pa controla e actividadnan,

empeora p’e uzo di brommer si helm.

Bentana getint y faha di siguridad
Otro reto importante t’e regulacion di e uzo di bentana

getint. Braaf a señala cu e regla ainda no ta cla, loke ta
limita e capacidad di e autoridad pa actua. “Ta discutiendo un proposicion pa defini e porcentahe permiti di tint, pero te
ora no aproba esaki, nos no por duna boet.”

E plan di accion pa 2025 tambe ta atende e uzo di faha di
siguridad, transporte di hende den bak’i pickup y uzo di
telefon mientras cu ta stuur. Braaf a reconoce cu, aunke e
controlnan preventivo ta esencial, ta necesario combina nan

cu operativo efectivo pa captura e infractornan cu ta ripiti.

Menor y accidente fatal
Coremento di parti di e menornan di edad ta sigui ta un

tendencia preocupante, hopi biaha cu consecuencia tragico.
Braaf a haci yamada n’e responsabilidad di mayor: “No lo
permiti cu mi yiunan menor core auto, ni sikiera pa un dili-
gencia lihe.”

Cu un poblacion den crecemento constante, polis di Boneiro
ta enfrenta limitacion como e falta di suficiente dispositivo
pa midi e nivel di alcohol cerca e chauffeurnan. A pesar di

CLICK AKI esaki, Braaf a sigura: “Nos lo sigui avansa pa garantisa e
siguridad di caminda na Boneiro.”