Page 15 - BNDIA ARUBA

A15
HENDE Diahuebs 24 augustus 2017

Luga di koffie nobo Ritual na Ritz Carlton ta habri

PALM BEACH – Luganan pa bebe koffie ta creciendo mundialmente y tambe na
Aruba por mira nan mas y mas. Diamars Ritual a habri su porta na hotel Ritz Carl-
ton. Banda di koffie, nan ta bende tambe te natural, sandwich, salada y icecream.
Como e ta habri di 6or di mainta te cu 9or anochi.

Por describi e luga aki como un luga unda bo ta sinti bo mes na cas pero tambe moderno unda
trahadonan cu ta artista di traha koffie ta warda riba bo cu yen di entusiasmo. Pa esunnan cu ta
busca un luga pa ‘hangout’, e luga tambe ta ideal pasobra nan tin free Wi-Fi y un mesa grandi
cu yen di lectura pa lesa por nada. E manager Joanna van der Rhee ta bisa: “Hasta pa studiante
cu kier bin pa haci trabou di scol, e luga ta perfecto.”
Aruba Today y Bon Dia Aruba a tira un bista diamars y a purba e bebe y come.

A Shot to Go
Despues di scucha manager Van der Rhee nos ta compronde dicon nan ta yam’e Coffee Cul-
ture. Tin un parti di e cultura aki hopi interesante esta nan Cold Drip Coffee. Un instalacion
di un mey meter unda nan ta basha 3 liter di awa friu pa lag’e druppel poco poco. Pa e prome
druppel yega abou esaki lo tuma 4 ora. E resultado: un koffie cu ta friu pero suave pa bo stoma
pero cu ta keda cu su cafeina. Un smaak intenso, segun sra. Van der Rhee.

Hazelnut Latte
Tin hopi mas. “Nos marca di koffie ta Illy cual ta un marca conoci di Italia. Nos tin hopi
variedad pero tambe diferente tea manera ice tea, lemon green tea, mint tea fresco y juicenan,
chocolate milk y tur dia algo
special.” Durante e apertura
nos por purba di e special Mint
Strawberry Lemon Tea cu
strawberry fresco den dje.
E koffie special di Ritual ta e
Hazelnut Latte, asina e man-
ager ta conta. E smaak aki no
ta bin for di un boter pero nan
mes ta trah’e. “Nos ta roast e
hazelnuts te ora nan ta carmali-
sa, lo añadi awa di sucu y siroop
cu nos mes tambe ta traha. Tur
cos traha natural.”

Habri pa tur hende
E manager ta conta cu 60 pa
65% di nan cliente ta bebe kof-
fie, sinembargo tin mas de-
manda cu awor e luga nobo por
ofrece. “Nos kier bira un luga
cu ta habri pa tur hende, no
solamente esunnan cu ta keda
den e hotel. Bo por djis bin y
pasa dushi. Oh, anto m’a casi
lubida, nos tambe tin nos me-
sun ice-cream, cu nos tambe ta
traha nos mes.”