Page 46 - MIN ON_Neat

Obispo Secco: SMOA tin un momento di renobacion

Monday, 01 May 2017 22:02
Comparti

SMOA tin un momento cu ta wordo yama tambe di renobacion. Pero a papia cu pastoor Morisson, y cu
tambe cu e secretario di plan pastoral , kende pa hopi aña tabata na docente na Corsou y a combersa cu
diferente grupo cu ta responsabel pa Colegio Arubano, segun obispo, Monseigneur Luis Secco.
Directiva, grupo di mayornan, esnan cu ta forma e instancia di loke ta yama OK y tambe grupo di
maestronan mes. Tambe a bay cerca e minister. Despues di a scucha tur sugerencia y tambe e
dificultadnan cu mester mehora, a bay cerca e minister y a bisa cu SMOA, Colegio Arubano, ta un
instancia cu tin un orguyo, un historia hopi bunita, hopi positivo cu mester mantene y mehora.
Ta pesey ta un reto. A pone dos palabra clave, calidad y continuidad. Calidad ta nifica cu sin duda tin
mester di e directiva, renobacion di directiva. Tambe un sorto di continuidad, den e sentido cu no por tin
un directiva cu ta cambia demasiado, sino tin mester di un rector, un persona cu ta guia y cu ta mantene
constancia den un tempo considerabel, a lo menos pa e proyecto sigui. Di parti di docentenan y tambe di
parti di grupo di mayornan, tin un deseo grandi hasta algun di e docente y mayornan, cu awa na wowo, ta
sigui continuidad, mehora calidad, tur e cosnan aki a bin dilanti. Ta pensa cu e ta e momento pa un
renobacion y un dinamismo nobo pa Colegio Arubano duna un contesta realmente adecua na
espectativanan. Sa cu minister tin expectativa. Habitantenan di Aruba, mayornan specialmente, ta
interesa. Hopi di e mayornan a manda mensahe na e obispo bisando cu nan ta sinti duele si Colegio
Arubano ta perde su balor, su excelencia, su dinamismo. Tur locual cu a studia, a comparti ora cu tabata
studiante, cu awo ta mayornan cu tin yiunan studiando na Colegio Arubano. Ta un balor agrega cu tin cu
bisa cu mayornan cu nan ta esnan responsabel pa un scol bay bon.
Claro, docentenan na prome luga, e instancia y e ora ey a pone tambe e sistema nobo di raad van toezicht
y raad van bestuur. E grupo di supervision y e grupo di directiva di Colegio. E ta bayendo bon y a sigura
na e minister cu esey ta e trabao cu nan mes, cu Colegio Arubano ta haciendo, cu nan tin cu tuma na serio
di renobacion. Diocesis ta duna tur animo y tambe bendicion pa Colegio Arubano bira realmente un
instancia, un orguyo pa Aruba, pero tambe pa mayornan di muchanan cu ta preparando pa despues nan
bira profesional riba nos islanan of den hasta na Hulanda, caminda cu nan ta bay studia despues.
Tin cu keda positivo cu si tin un gran movemento di renobacion y segun obispo, esaki ta algo cu minister
ta scucha, aprecia, loke a papia cun’e y tambe a bisa cu mester tin transparencia. Gobierno, minister, tin
tur instrumento pa controla si loke gobierno ta duna, ofrece na un scol, ta wordo implimenta bon. Nan
tin inspeccion, nan tin personanan adecua cu ta bay inspecciona y mira tur otro instancia cu ta mantene
un bon contacto entre Gobierno y e scolnan.

http://www.24ora.com/index.php?option=com_content&view=article&id=121349:obispo-secco-smoa-
tin-un-momento-di-renobacion&catid=1:local&Itemid=5