Page 4 - hoh

8 LOCAL AWEMainta Dialuna, 16 December, 2024

Dengue den aumento den Caribe
Un riesgo pa Aruba?

E casonan di dengue a alcansa nivel alarmante na Latino America

y Caribe, cu mas di 12.6 miyon di infeccion y 7,700 morto na
2024, segun e Organisacion Panamericano di Salud (WHO). Esaki
t'e pio brote desde cu tin registro di dje, cu Brasil, Argentina,

Colombia y Mexico entre e paisnan mas afecta. Den Caribe,
Guyana ta lidera e casonan cu mas di 41 mil persona infecta,
mientras cu e otro paisnan manera Republica Dominicana, French
Guyana y Martinique ta enfrenta situacion grave.

Un menasa latente pa Aruba
Aunke Aruba no a wordo señala den e estadisticanan actual, e
condicionnan climatico di e isla, cu temperatura halto y awasero

den temporada, por propicia e reproduccion di e sanguranan

Aedes aegypti, transmisor di dengue. E acumula-
cion di awa den container, taira of sushi por converti
den criadero ideal, aumentando e riesgo di brote

local.

Kico ta dengue y pakico mester preocupa?

Dengue ta un virus cu por causa keintura, dolor
di cabes intenso, molester muscular y den caso
grave, sacamento cu sanger y hemoragia. Segun
WHO, e aumento di e casonan ta relaciona cu e
cambio climatico, cu ta genera condicion mas

calor y humedo faborabel p'e sanguranan. Mucha
y e personanan cu malesa previo ta specialmente
vulnerabel, representando un proporcion signifi-

cante di morto den e paisnan manera Guatemala y
Mexico.

Accion necesario na Aruba
Prevencion ta clave. Pais manera Honduras ta

planeando campaña di vacunacion pa 2025, pero
na Aruba, elimina criadero di sangura mester ta
prioridad. Autoridad por reforsa campaña educa-

tivo, promove limpiesa di espacio publico y priva
y aumenta fumigacion den e zonanan di riesgo.
Tambe ta prudente fomenta e uzo di repelente y
mosketero, specialmente entre e muchanan y e
adultonan mayor.

Dengue ta afecta casi e mita di e poblacion mundial,
segun e Centro pa Control y Prevencion di Malesa
di Merca. P'esey Aruba mester ta prepara pa mitiga

cualkier posibel brote y proteha e salud di su
criaturanan. E colaboracion regional y vigilancia
constante lo ta esencial pa enfrenta e menasa aki.