Page 16 - 7_di_april_di_2022

16|Diahuebs, 7 di April 2022

Aruba Sport Unie cu Cursus di CPR, First Aid & AED

Aruba Sport Unie a organissa riba
dianan 26 di Maart y 2 di April Cursonan
di CPR (reanimacion) First Aid y tambe
AED (Automatische Externe Defribilla-
tor) den Centro Deportivo Betico Croes.
Akinan a participa mas o menos 33 per-
sona entre nan coachnan y personanan
involucra den deporte pa asina nan por
a ricibi of renoba nan Certificado di e
curso di prome auxilio.

E curso a wordo presenta pa sr. John
Tromp Kende ta un EMS (Emergency Me-
dical Services) Instructor di IMSAN cer-
tifica den e Area di Reanimacion, ken-
de a sa di duna un tremendo curso y a
contesta tur pregunta cu a wordo hasi
tocante e diferente tema relaciona cu e
curso.

Dia 26 di Maart a cuminsa cu e diferente
videonan tocante e teorianan y tambe
splicacion riba e diferente pasonan cu
mester tuma ora di asisti un persona cu
prome auxilio.
Dia 2 di April a duna e parti practico
unda cada persona por a practica con

pa hasi CPR (Cardiopulmonary resuscitation) y yuda den First
Aid siguiendo e pasonan conserni manera entre otro sigura
cu e alrededor na unda e persona cu mester ayudo ta safe pa
asina por duna e yudansa nan necesario, wak si e persona
ta reaciona y si e no ta halando rosea con pa cuminsa cu e
proceso di CPR.

Tambe a duna e informacion basico di con pa asisti den dife-
rente situacionnan di First Aid entre otro ora ta encontra un
persona cu ta sangrando y con pa hasi uso di un tourniquet,
si tin trauma (por ehempel un golpi na cabes) y con pa hasi
uso di e EpiPen.

E curso a mustra tambe con pa duna prome auxilio (CPR) na
un baby y con pa hasi uso di e machine di AED (automatische
Externe Defribillator) pa asina duna reanimacion si ta nece-
sario.

Esaki sigur ta un di e tremendo iniciativanan di Aruba Sport
Unie pa asina brinda diferente cursonan pa nos pueblo di
Aruba y sigur na nos hendenan den e mundo di deporte, Ga-
rantisando asina e seguridad pa nos atletanan y nos pueblo
en general, esaki sigur lo contribui pa asina deporte por sigi
engrandece ariba nos Dushi Isla.

Aruba Sport Unie kier a gradici tur persona cu a participa
tambe sigur na e Instructor Mr. John Tromp y su assistentenan
kendenan a hasi esaki posibel pa e curso aki a bira posibel pa
Deporte di Aruba.
Tambe kier a informa pa keda pendiente pa nos proximo cur-
so cu lo bira tokante Sports Taping. Un danki special ta bay na
SSA y Lotto pa Deporte.